夢見屋 (Closed)

炎炎夏日, 係街上頻撲咗一個下午, 終於完成任務, 好想係有冷氣嘅地方坐低嘆番個下午茶, 獎勵一下自己~考慮咗一陣, 決定去夢見屋嘆Cake~而家推廣緊為體質過敏而又想食蛋糕嘅為食一族而焗制嘅「期間限定!!! 日本人氣の米粉蛋糕」!!! 棄用麵粉, 轉用日本米粉(Rice Flour)、棄用牛奶, 轉用豆奶、更棄用雞蛋!!!我地揀咗1個Cake Set試吓個米粉蛋糕, 另外仲要1個Pasta Set...自家制蛋糕套餐--和風草餅紅豆米粉蛋糕!!!米粉蛋糕冇傳統蛋糕咁香滑綿密, 但都幾鬆軟... 紅豆忌廉都幾甜, 紅豆味好濃郁... 綠茶忌廉滲出淡淡嘅綠茶味, 如果紅豆忌廉係牡丹, 咁綠茶忌廉就係綠葉...芝士蕃茄汁忌廉意粉--食次前將意粉輕輕撈吓, 等d芝士粒溶成一絲絲, 與有嚼勁的義大利麵同食, 特別滋味... 蕃茄汁味道偏淡, 比芝士味蓋過晒... 作為下午茶餐, 份量十足, 可以當晚餐咁食...今日有卡位坐, 好舒適!!! 人客又唔多, 可以静静地咁享用下午茶, 份外Relax!!!