Video
Read full review
2015-05-28
793 views
我未去過土耳其，又未食過土耳其菜，我個超鍾意土耳其嘅朋友話想食土耳其菜，我完全唔知會有乜食。佢問我有乜肉類想食，我話鍾意雞同羊，佢話會叫個廚煮，私房菜有得揀食乜又幾好。對土耳其菜完全零認識嘅我，抱住試新嘢嘅心態，同朋友渡過左一個土耳其之夜。餐廳喺旺角商廈樓上，門口貼左土耳其廚師同明星嘅相。單位細細，但佈置好有心思，勁鍾意由瓷磚鋪面嘅餐枱，好色彩繽紛，好靚！人齊就可以上菜喇！首先係土耳其沙律，個侍應千叮萬囑要我地撈匀先食，有青瓜、洋蔥、蕃茄、生菜同香草，清清地，夠爽脆。再黎一碟"Sak Suka with homemade yogurt"，原來土耳其人成日食yogurt，好多菜式都會有yogurt。茄子薯仔切薄片，加埋個香草乳酪汁，好香口惹味！土耳其廚師親自捧岀隻梅爾辛雞，內有香草蕃茄飯，佢幫我地支解左隻雞，等我地可以大塊朵耳！隻雞燒到金黄色，皮脆肉嫩，好好味！香草飯都好入味，配埋蕃茄，估唔到土耳其飯又幾好味！啱啱食完雞飯，又再黎多碟飯，今次係造型好可愛嘅紅椒黃椒飯！椒變身飯盒，裝住香草乳酪飯，飯同乳酪汁好夾，椒肉清甜。原來佢個土耳其名叫"Dolma veg"。 "Turkish hal
我未去過土耳其，又未食過土耳其菜，我個超鍾意土耳其嘅朋友話想食土耳其菜，我完全唔知會有乜食。佢問我有乜肉類想食，我話鍾意雞同羊，佢話會叫個廚煮，私房菜有得揀食乜又幾好。
對土耳其菜完全零認識嘅我，抱住試新嘢嘅心態，同朋友渡過左一個土耳其之夜。餐廳喺旺角商廈樓上，門口貼左土耳其廚師同明星嘅相。單位細細，但佈置好有心思，勁鍾意由瓷磚鋪面嘅餐枱，好色彩繽紛，好靚！
人齊就可以上菜喇！首先係土耳其沙律，個侍應千叮萬囑要我地撈匀先食，有青瓜、洋蔥、蕃茄、生菜同香草，清清地，夠爽脆。
再黎一碟"Sak Suka with homemade yogurt"，原來土耳其人成日食yogurt，好多菜式都會有yogurt。茄子薯仔切薄片，加埋個香草乳酪汁，好香口惹味！
土耳其廚師親自捧岀隻梅爾辛雞，內有香草蕃茄飯，佢幫我地支解左隻雞，等我地可以大塊朵耳！隻雞燒到金黄色，皮脆肉嫩，好好味！香草飯都好入味，配埋蕃茄，估唔到土耳其飯又幾好味！
啱啱食完雞飯，又再黎多碟飯，今次係造型好可愛嘅紅椒黃椒飯！椒變身飯盒，裝住香草乳酪飯，飯同乳酪汁好夾，椒肉清甜。原來佢個土耳其名叫"Dolma veg"。
"Turkish halal lamb rack with garlic butter sauce" 土耳其香草配蒜香汁羊骨扒，燒得啱啱好，羊肉嫩滑，又有少少肥，正！
好戲在後頭，土耳其咖啡一岀，即刻眼前一亮！不停講「好靚呀！」咖啡杯真係好精緻，土耳其工藝品確實係好有水準！廚師幫我地倒咖啡，唔駛加糖加奶，因為佢話土耳其甜品好甜。甜品有種四四方方細細粒似酥餅，咬落好鬆脆，甜甜地有奶油香。另外仲有脆脆芝麻果仁同軟糖。一啖甜品、一啖土耳其咖啡，一邊諗下幾時去土耳其旅行。
Post
