Freshness Burger (Closed)

近年，開始嘗試 M 記以外嘅快餐店，價錢比 M 記略貴，但人一世物一世，花多少少响食方面，都係值嘅 ... 今次，要試吓 Freshness Burger ... 考慮良久，order 咗一個雙層芝士牛肉漢堡、大薯角、日式綠茶布甸 ... 雙層芝士牛肉漢堡 ... 聞名不如見面，高不可攀，不知從何入 "口"，唯有逐層征服 ... 我發覺包住漢堡包嘅包紙，設計與眾不同，呈紙角狀，後來，方知佢嘅用處，食到兩塊扒嘅時候，大量汁液流瀉而出，呢塊紙角就係用嚟盛載肉汁架啦，但略嫌啲汁有啲人工化，似加工，營造 juicy 嘅感覺 ... 大薯角 ... 呢個唔錯，即叫即炸，捧上嚟新鮮熱辣，難得嘅係唔會炸到乾巴巴，每一啖都食到綿綿嘅薯蓉 ... 日式綠茶布甸 ... 係近年新出嘅樽仔布甸，有綠茶 & 雲呢嗱兩款口味，作為綠茶怪，我梗係揀綠茶口味啦 ... 打開蓋子，面頭有一層類似紅莓嘅醬料，酸酸甜甜，頗開胃，布甸軟滑，有清香嘅綠茶味，好啱我口味，太飽啦，雲呢嗱，下次先試啦 ... 順帶一提，開頭我開極都開唔到樽布甸，一位侍應見我面有難色，即刻幫手，有啲"火羅"，但開心 ...