荳子 (馬鞍山廣場) (Closed)

入座&服務：食過其他地方嘅beans，今次第一次食馬鞍山呢間。排隊方面，1點半到排左大約15分鐘，以beans黎講唔算耐，不過就要坐走廊位。服務方面，一舉手就有職員落單埋單，職員有禮貌。食物：黑松露軟殼蟹意粉 （$98）- 招牌菜，意粉煙韌，份量對女生黎講剛好，黑松露醬稍嫌太少，食到最後唔夠醬。重頭戲軟殼蟹還好，係炸得耐左少少，有d油。鵝肝意大利飯 （$138）- 呢個第一次食，真心驚嘆。首先個汁望落好似好濕，實則入口非常creamy，義大利飯稔度適中。重點係個鵝肝，煎得勁香，入口即溶，連埋個飯每一啖嘅口感都十分豐富。黑松露薯條 （+$25）- 薯條即炸，好脆，黑松露醬真心夠濃郁，推介