茶狼 (Closed)

同屋企響銅鑼灣食完飯，係利東街打完卡影完相，經過見到茶狼，舖頭裝修又勁型格！好多狼頭，成間舖都係狼，身為狼迷既我，真係忍唔住要打下卡！店舖入面仲有少量坐位，不過長期都爆滿，人流真係多。店外非常有型既打卡位！入面仲有蛋糕同布丁杯賣！好吸引。主打都係茶，青茶、茉莉花茶、烏龍茶、花茶等等⋯⋯我叫左凍鮮蜜柑梔子花茶 $40第一眼見到，咁細杯既？！飲慣左有得咬下咬下既野飲，呢杯無得咬好唔習慣，好清逸既茶香，有橙既味，清新既感覺，不過又唔算特別好飲！同普通橙汁無乜分別，好失望！性價比勁低都係打下卡就算，唔會再飲。