Video
Read full review
2023-09-24
22 views
之前黎尖沙咀食飯，留意到喺中間道轉角位有一間裝修得好有日本風嘅燒肉店，嗰時已經諗住有機會就要試吓。今次過嚟尖沙咀又未諗食乜，所以就walk in dinner。〈烤和牛肩他他凱撒沙律〉我哋首先嗌咗個烤和牛肩他他凱撒沙律，有和牛肩肉，再配埋新鮮嘅沙律菜，車厘茄，麵包粒，沙律醬。和牛肩肉同埋沙律菜嘅份量算多，健康得黎，味道夠fresh，作為開胃前菜唔錯。〈香辣雞翼〉因為忽然好想食雞翼，於是就叫咗呢個香辣炸雞翼黎試吓。本身都好鍾意單骨雞翼，貪佢食落夠晒方便。雞翼外皮炸得熱辣辣，夠晒香脆。雞翼唔會話炸得太乾身，咬落去肉質仍然keep到幾Juicy。整體味道調味適中，點埋啲沙律醬嚟食就perfect。〈季節刺身盛盒（五款）〉估唔到食燒肉都有得叫刺身。呢款季節刺身盛盒（五款），師傅會安排當日最新鮮最靚嘅魚或海鮮俾我哋。我哋嗰日就有三文魚同埋帶子等等，每一款刺身都有兩件，同朋友share就啱啱好。刺身都係厚切嘅，食得出每款刺身都好新鮮，三文魚入口夠油脂香。〈特上和牛五款盛盒〉去到今餐飯嘅戲肉，就係燒肉喇。作為一個咁鍾意食和牛嘅人，諗都唔使諗，梗係要叫特上和牛五款盛盒。每一款肉上面都會有個label寫
〈烤和牛肩他他凱撒沙律〉
我哋首先嗌咗個烤和牛肩他他凱撒沙律，有和牛肩肉，再配埋新鮮嘅沙律菜，車厘茄，麵包粒，沙律醬。和牛肩肉同埋沙律菜嘅份量算多，健康得黎，味道夠fresh，作為開胃前菜唔錯。
〈香辣雞翼〉
因為忽然好想食雞翼，於是就叫咗呢個香辣炸雞翼黎試吓。本身都好鍾意單骨雞翼，貪佢食落夠晒方便。雞翼外皮炸得熱辣辣，夠晒香脆。雞翼唔會話炸得太乾身，咬落去肉質仍然keep到幾Juicy。整體味道調味適中，點埋啲沙律醬嚟食就perfect。
〈季節刺身盛盒（五款）〉
估唔到食燒肉都有得叫刺身。呢款季節刺身盛盒（五款），師傅會安排當日最新鮮最靚嘅魚或海鮮俾我哋。我哋嗰日就有三文魚同埋帶子等等，每一款刺身都有兩件，同朋友share就啱啱好。刺身都係厚切嘅，食得出每款刺身都好新鮮，三文魚入口夠油脂香。
〈特上和牛五款盛盒〉
去到今餐飯嘅戲肉，就係燒肉喇。作為一個咁鍾意食和牛嘅人，諗都唔使諗，梗係要叫特上和牛五款盛盒。每一款肉上面都會有個label寫返清楚係邊個部位。當日我哋食嘅部位有牛肋條、內側後腿、羽下、牛肩肉同埋肩胛肉。每一款肉嘅油脂分布，雪花紋理都好明顯唔同，我個人就會由脂肪比例少啲嘅開始食。喺咁多款肉入面，我最鍾意就係肩胛肉，食落肉質最軟身，油脂分布最多，食完後成個口腔仲會充滿油香，同時和牛嘅肉味麵依然平衡到。後腿肉都幾軟身，而牛肩肉嘅肉質就較為結實。
〈鹿兒島縣產雞心〉，〈阿波尾雞頸肉〉，〈帆立貝〉
食燒肉點可以淨係食和牛咁單調，所以我哋都另外叫咗鹿兒島縣產雞心，阿波尾雞頸肉，帆立貝，同埋少少野茶。雞心好有咬口，而雞頸肉嘅肉質比想像中嫩滑，一啲都唔韌，肉味好香，點小小海鹽佐味已經好足夠。另外我哋仲叫咗個燒帆立貝，燒完都唔會太乾身，仍然鎖住哂啲汁喺入面，仲好有牛油嘅香味。
〈和牛煲仔飯〉
見到和牛煲仔飯呢個名咁得意，估唔到原來真係有驚喜。店員一送個飯黎，會先擺低比你影咗相先，之後就會喺你面前炒一炒，將和牛粒、流心蛋汁同啲醬油撈勻晒。成個煲仔飯夠晒熱辣辣，醬汁方面好惹味，同和牛好夾，和牛粒嘅份量亦都好多，肉質軟嫩，肥瘦適中。而煲仔飯最最最重要就係嘅元素——飯焦，佢都有㗎！
〈柚子雪糕〉最後甜品係柚子雪糕，雪糕入邊有柚子粒粒，真材實料。味道非常清新，食咗咁多燒肉之後，食呢個雪糕就啱啱好，可以幫手解膩。
另外關於呢間餐廳，我好鍾意嘅一樣野就係佢哋嘅抽油煙方面做得非常好，食完燒肉之後都唔會怕件衫一大陣味。總括嚟講，今次晚飯成個體驗都唔錯。
Post
