Video
Read full review
2023-04-06
190 views
今次第一次嚟銅鑼灣新地標「Sugar+」覓食，呢幢大廈入面有唔少高級餐廳，當日我就揀咗呢間「Oouli」食韓式料理，主打釜山傳統美食🇰🇷甫進餐廳就會見到一整排落地玻璃，我坐嘅窗邊位置可以欣賞到維港景色🏙 當日黃昏時間嚟到，可以望到天色慢慢變暗，入夜氣氛更浪漫🌹 餐廳裝修時尚有品味，環境寧靜，服務有質素🤵🏻晚市tasting menu有9道菜(1480p.p.)，Menu海鮮類同澱粉質類比較多，主打韓國新鮮海鮮同韓國直送食材😼♥ Oouli Bu Gak 選用濟州海藻及釜山海苔，包裹住米漿炸成嘅脆片，有啲似紫菜天婦羅～不過用米漿炸出嚟口感較厚實同更脆口，無油膩感～ 濟州海藻味道同質感都較為特別，有一種特有嘅甘苦味，另外仲配上三色豆腐醬，幼滑清新。 店員有提醒底部啲芝麻脆片只係作裝飾，不宜食用㗎～🙊♥ Jagal - Chi刺身由韓國直送，唔同季節會食到唔同嘅時令刺身🐟 今次刺身拼盤有左口魚、醬油大蝦同醬油三文魚🍣 配上自家製辣海鮮醬及麵豉醬，令刺身鮮味更突出，配搭新奇有趣！ ♥ Deul Kkae - Juk對韓國人嚟講韓式粥品係非常適合用嚟宴客，呢款粥添加韓牛、蜆肉、蔬菜，煮咗15個鐘
甫進餐廳就會見到一整排落地玻璃，我坐嘅窗邊位置可以欣賞到維港景色🏙 當日黃昏時間嚟到，可以望到天色慢慢變暗，入夜氣氛更浪漫🌹 餐廳裝修時尚有品味，環境寧靜，服務有質素🤵🏻
晚市tasting menu有9道菜(1480p.p.)，Menu海鮮類同澱粉質類比較多，主打韓國新鮮海鮮同韓國直送食材😼
♥ Oouli Bu Gak 選用濟州海藻及釜山海苔，包裹住米漿炸成嘅脆片，有啲似紫菜天婦羅～不過用米漿炸出嚟口感較厚實同更脆口，無油膩感～ 濟州海藻味道同質感都較為特別，有一種特有嘅甘苦味，另外仲配上三色豆腐醬，幼滑清新。 店員有提醒底部啲芝麻脆片只係作裝飾，不宜食用㗎～🙊
♥ Jagal - Chi刺身由韓國直送，唔同季節會食到唔同嘅時令刺身🐟 今次刺身拼盤有左口魚、醬油大蝦同醬油三文魚🍣 配上自家製辣海鮮醬及麵豉醬，令刺身鮮味更突出，配搭新奇有趣！
♥ Deul Kkae - Juk對韓國人嚟講韓式粥品係非常適合用嚟宴客，呢款粥添加韓牛、蜆肉、蔬菜，煮咗15個鐘以上，鮮甜美味，營養豐富～ 仲有薄脆米餅伴粥，增加口感😼
♥ Han - Ip賣相好精緻🌸 將橡子果凍切成花嘅形狀，令我諗起菊花豆腐，同樣好考刀功👀 橡子果凍口感似蒟蒻，伴以酸酸地嘅凍湯及爽口章魚片，非常醒胃！另外更奉上炸豆腐鱈魚子三文治，餡料夾住鱈魚子及泡菜，豆腐用紫菜包裹去炸～ 口感特別😺 再飲啖自家調製米酒，有風味🤭
♥ Bo Yang - Sig 儀式感滿滿嘅一道菜，喺人蔘雞湯Risotto上放咗雞絲，再噴上人蔘酒，以創意嘅方式去呈現一道傳統菜式😙
♥ Jili - Tang用海鮮清湯打成泡沫，面頭有彈牙嘅烤釜山鮑魚及灑上辣椒粉，湯嘅底部則有蘿蔔，整體味道清甜😉
♥ Jan chi☞ 烤韓國頂級1++韓牛
主菜必點呢個，韓牛烤到啱啱好肉質粉嫩，肉汁豐富，油脂香滿滿！配上蘿蔔蓉無咁膩！如果你係追求更豐富嘅油脂，咁就要揀澳洲和牛喇～
☞ 36小時慢煮濟州黑毛豬五花以芝麻葉、醃白蘿蔔片包裹烤豬腩肉一齊食，味道正宗！配搭醬料去食辣得惹味！
♥ JinSu - Sung Chen店員推住架手推車奉上釜山飯，原來呢度嘅珍珠米係由主廚韓國自家農地種植再直送香港😲 店員話比市面上嘅大米更有米香！伴菜有黑豆、生魚肚、醃製芝麻葉、韓國辣椒、魚仔，另外仲有一碗熱辣辣嘅鰻魚湯配飯食，食完非常之飽肚！
♥ Hu- Sig用糯米及年糕製作窩夫好煙韌，趁熱食年糕更加會拉絲，加埋自家製雲呢拿雪糕，可以滿足我嘅甜品胃🤰🏻
💬 總結
成餐飯味道傳統正宗，甚有釜山風味～ 呢度景觀開揚，嚟個浪漫約會都適合👩🏻❤️👨🏻
Post
