惠 (Closed)

咁啱約咗朋友喺附近，佢推介呢間鮨店，於是去試下《惠》嘅 外賣丼飯，揀咗魚生飯～前菜用紙杯裝住，一條條滑潺潺的好難夾㗎 🥡🥢口感滑嘟嘟又有D爽爽地，似藻類嘅食物，醋味濃而不嗆喉，非常開胃～上網search吓原來呢款前菜係沖繩嘅名物：水雲醋物～～上面嗰一點白色係山芋蓉～揀魚生飯因為可以一次過食到最多款當日新鮮嘅食材，之前冇見過佢外賣丼飯嘅相，一打開嗰吓都開心㗎！材料鋪滿飯面，我鍾意佢用小菊、紫蘇葉同花穗紫蘇做點綴，為料理增添色彩，增強視覺上的享受！🥰🌻💐除咗多款魚刺身，仲有海膽、三文魚籽、赤貝、帆立貝、玉子燒同漬物（蘿蔔&牛蒡）共十幾款食材，而且我鍾意佢D薑係切厚片，食落更有口感！各類魚刺身都好鮮味 🐟🐟🐟有金目鯛、鯖魚、鰤魚、赤身、中拖羅、油甘魚腩、池魚、伊佐木 同 魷魚～ (盡量認得幾多得幾多，仍在學習中 🤓📚📚）印象特別深刻嘅有池魚，perfect match with上面嘅薑蓉同日本蔥花，仲有件魷魚，口感非常軟糯，味道鮮甜！中拖羅同油甘魚魚油味甘香，質素唔錯喎！海膽鮮甜，份量都唔少呢 🤩赤貝爽口味鮮成個丼嘅MVP 係三文魚籽，大大粒、晶瑩剔透、顏色靚靚，唔會太醎，入口滲出點點甜香