Video
Read full review
2021-12-15
57 views
餐廳位於繁忙嘅荔枝角道, 對面就係街市, 估唔到哩個位置會有間咁高質嘅西餐廳. 門口招牌好光, 非常搶眼, 一入到黎好似去左第二個世界咁, 晏時變得好chill好舒服, 同出面形成好大對比. 晚餐有set menu, 價錢好相宜, 包沙律, 湯, 飲品. 我地都唔諗咁多, 就叫一個risotto一個pasta!沙律 - 一上台已經嚇一嚇, 無諗過餐沙律咁大份, 而且好好食, 菜好新鮮, 加埋個麻醬確係開胃👍🏻南瓜忌廉湯 - 湯熱辣辣, 抵讚. 不過重點係個蒜蓉包! 蒜蓉都係即焗即食, 焗到金黃色勁香脆, 無論單食定連湯食都一流, 正!西班牙豚肉辣肉腸意大利飯 $108 - 到主菜上台又係大大碟, 勁足料. 哩個risotto唔係好creamy好’漏’嗰種, 食落好有口感. 飯有少少硬不過我係中意嘅, 豚肉加辣肉腸都整得啱啱好, 最特別係飯入面加左提子乾, 同啲肉好配合, 唔會有肥膩感, 細心位加分, 推介！👍🏻👍🏻👍🏻北海道帶子牛油果忌廉汁意大利麵 $132 - Pasta賣相都係好好, 牛油果用足半個, 加兩大粒北海道帶子同青醬意粉, 開始擔心食唔哂😂 牛油果食得出好新鮮, 唔係ch
晚餐有set menu, 價錢好相宜, 包沙律, 湯, 飲品. 我地都唔諗咁多, 就叫一個risotto一個pasta!
沙律 - 一上台已經嚇一嚇, 無諗過餐沙律咁大份, 而且好好食, 菜好新鮮, 加埋個麻醬確係開胃👍🏻
南瓜忌廉湯 - 湯熱辣辣, 抵讚. 不過重點係個蒜蓉包! 蒜蓉都係即焗即食, 焗到金黃色勁香脆, 無論單食定連湯食都一流, 正!
西班牙豚肉辣肉腸意大利飯 $108 - 到主菜上台又係大大碟, 勁足料. 哩個risotto唔係好creamy好’漏’嗰種, 食落好有口感. 飯有少少硬不過我係中意嘅, 豚肉加辣肉腸都整得啱啱好, 最特別係飯入面加左提子乾, 同啲肉好配合, 唔會有肥膩感, 細心位加分, 推介！👍🏻👍🏻👍🏻
北海道帶子牛油果忌廉汁意大利麵 $132 - Pasta賣相都係好好, 牛油果用足半個, 加兩大粒北海道帶子同青醬意粉, 開始擔心食唔哂😂 牛油果食得出好新鮮, 唔係cheap野, 帶子亦煎得啱啱好, 外面香脆入面保持鮮嫩嘅帶子肉, 高質! 意粉就正正常常啦, 係個醬有少許油.
甜品: 肉桂蘋果脆脆 (+$40)
最後我地當然點都要試吓好多人讚嘅apple crumble, 果然無令人失望. 蘋果好新鮮好甜, 完全唔酸, 個批極鬆脆, 加埋上面大大球雪糕, 真係好滿足😛
總括今餐可以話係超高性價比之選, 百零蚊一個人食到捧住個肚走, 野食仲要咁高質, 真係將好多西餐cafe比下去, 一定番食！
沙律
16 views
0 likes
0 comments
Risotto
9 views
0 likes
0 comments
Pasta
11 views
0 likes
0 comments
Apple Crumble
6 views
0 likes
0 comments
Post
