Video
Read full review
2022-12-27
53 views
高性價比愛心素食餐廳，值得encore。~~~上網見到好多YouTuber介紹呢一間素食自助餐，咁啱收工喺附近睇醫生，就順便過嚟試下。是日並非初一十五，7：30黎到竟然全場滿座，門外仲有幾多人排隊。～～～佢哋係90分鐘任食，期間refill嘅速度都幾快，而且成日都有新嘢，所以個個都唔捨得走咁。有時有啲新嘅食物新鮮出爐，服務員遮遮仲會周圍派，問吓大家要唔要，非常貼心，好溫馨。～～～皮蛋粟米粥口感綿綿，加上爽脆粟米粒，配搭佢地嘅一眾炸物就Perfect池。炸物方面，佢哋有好多款都好出色，炸茶樹菇、炸芋頭、炸茄子🍆等等，全部都非常有質素，反沙芋粉粉綿綿，香香甜甜，更係令人欲罷不能。～～～除此之外，仲有非常之多值得推介嘅食物。例如冷盤方面有酒醉糖心蛋、涼皮、青瓜蒟蒻麵等等，尤以涼皮最能俘虜我嘅心，冰冰涼涼，香香辣辣甚是開胃。～～～蓮藕炒雜菜口感爽脆，素煲仔飯亦係非常有特色，不過就可遇不可求，要咁啱燒起先有得食。🥚黑松露蒸蛋喺場內熱門嘅食物之一，濃郁嘅黑松露味加上滑溜雞蛋，每次一出爐就俾掃過清光。香濃南乳粗齋亦係個人嘅心水推介，調味非常到位，南乳味深透喺蔬菜當中，好下飯。～～～仲有就係用咗好多心
~~~
上網見到好多YouTuber介紹呢一間素食自助餐，咁啱收工喺附近睇醫生，就順便過嚟試下。是日並非初一十五，7：30黎到竟然全場滿座，門外仲有幾多人排隊。
～～～
佢哋係90分鐘任食，期間refill嘅速度都幾快，而且成日都有新嘢，所以個個都唔捨得走咁。有時有啲新嘅食物新鮮出爐，服務員遮遮仲會周圍派，問吓大家要唔要，非常貼心，好溫馨。
～～～
皮蛋粟米粥口感綿綿，加上爽脆粟米粒，配搭佢地嘅一眾炸物就Perfect池。炸物方面，佢哋有好多款都好出色，炸茶樹菇、炸芋頭、炸茄子🍆等等，全部都非常有質素，反沙芋粉粉綿綿，香香甜甜，更係令人欲罷不能。
～～～
除此之外，仲有非常之多值得推介嘅食物。例如冷盤方面有酒醉糖心蛋、涼皮、青瓜蒟蒻麵等等，尤以涼皮最能俘虜我嘅心，冰冰涼涼，香香辣辣甚是開胃。
～～～
蓮藕炒雜菜口感爽脆，素煲仔飯亦係非常有特色，不過就可遇不可求，要咁啱燒起先有得食。🥚黑松露蒸蛋喺場內熱門嘅食物之一，濃郁嘅黑松露味加上滑溜雞蛋，每次一出爐就俾掃過清光。香濃南乳粗齋亦係個人嘅心水推介，調味非常到位，南乳味深透喺蔬菜當中，好下飯。
～～～
仲有就係用咗好多心機整嘅咕嚕合桃，呢碟菜式如果喺出面食都幾貴，但係呢度就可以任食，而且質素頗高，食落幾可亂真，咕嚕汁嘅最後帶點果仁回甘香氣，好特別。
～～～
飲品選擇亦都好多元化，羅漢果紅棗茶、白桃烏龍茶、玫瑰烏龍茶、15年陳皮薑茶、澳洲黑蜂蜜檸檬水🍋全部都試咗少少，味道很不錯，低甜健康。
～～～
心裡有素
油麻地廣華街38號地舖
Post
