Video
Read full review
2020-11-30
73 views
本人真係好鐘意食漢堡包🍔，之前都寫過唔少篇漢堡包既食評，早兩日收工趁去開深水埗買電腦💻就順便去幫襯呢間想試左好耐既漢堡店💛漢堡店係大角咀同深水埗都有門店，位於欽州街既呢間係本店，黃金商場後門出黎過對面馬路直行多兩步就會見到；如果由地鐵站🚇行過黎都只係約3分鐘路程，都算就腳🦵🏻.店內總共有10款漢堡包🍔供應，主要係牛肉🐮、雞肉🐔、炸魚柳🐟同大啡菇🍄等，價錢介乎67至137蚊算係幾親民🤔 另外加20蚊可以轉做套餐選配有皮薯條🍟/薯格/田園沙律🥗+汽水🥤，當日我地有詢問過店員除左呢3款之外可唔可以揀其他，估唔到又得喎🤣 所以最後我地各自加左28蚊升級左兩個套餐，揀左炸蕃薯條同炸洋蔥圈🙊除此之外，呢度仲有供應幾款意粉🍝、沙律🥗同小食🍗，食物總類比起一般既漢堡包店黎講算係幾多🤔當日本來打算係店內進食，去到先知原來深水埗呢度以外賣為主，堂食座位🪑比起之前經過見到既大角咀分店少，只有左右兩旁各一張小型吧檯；由於我地有唔少行裝，最後唯有選擇外賣返屋企食🥡原本以為兩隻漢堡係紙盒內焗左成個零鐘咁耐都應該出晒倒汗水💦，預左麵包已經變腍同無咁好食，估唔到打開盒個下見到漢堡依然係靚靚仔仔完全無扁塌到，賣相仲同岩
本人真係好鐘意食漢堡包🍔，之前都寫過唔少篇漢堡包既食評，早兩日收工趁去開深水埗買電腦💻就順便去幫襯呢間想試左好耐既漢堡店💛
漢堡店係大角咀同深水埗都有門店，位於欽州街既呢間係本店，黃金商場後門出黎過對面馬路直行多兩步就會見到；如果由地鐵站🚇行過黎都只係約3分鐘路程，都算就腳🦵🏻
.
店內總共有10款漢堡包🍔供應，主要係牛肉🐮、雞肉🐔、炸魚柳🐟同大啡菇🍄等，價錢介乎67至137蚊算係幾親民🤔 另外加20蚊可以轉做套餐選配有皮薯條🍟/薯格/田園沙律🥗+汽水🥤，當日我地有詢問過店員除左呢3款之外可唔可以揀其他，估唔到又得喎🤣 所以最後我地各自加左28蚊升級左兩個套餐，揀左炸蕃薯條同炸洋蔥圈🙊
除此之外，呢度仲有供應幾款意粉🍝、沙律🥗同小食🍗，食物總類比起一般既漢堡包店黎講算係幾多🤔
當日本來打算係店內進食，去到先知原來深水埗呢度以外賣為主，堂食座位🪑比起之前經過見到既大角咀分店少，只有左右兩旁各一張小型吧檯；由於我地有唔少行裝，最後唯有選擇外賣返屋企食🥡
原本以為兩隻漢堡係紙盒內焗左成個零鐘咁耐都應該出晒倒汗水💦，預左麵包已經變腍同無咁好食，估唔到打開盒個下見到漢堡依然係靚靚仔仔完全無扁塌到，賣相仲同岩岩新鮮製作出黎既無乜分別，真係頗為意外😳
(p.s. 而家係食評app📱上落單外賣自取有9折優惠，有興趣既朋友經過開深水埗又唔想堂食既話可以一試🤗)
******************************
✨至尊漢堡🍔 ($90)
作為呢度既誠意推介，呢款至尊漢堡既配料有雙層美國安格斯牛肉🐮、車打芝士🧀、炒洋蔥🧄、蘑菇🍄、煎蛋🥚、煙肉🥓、蕃茄🍅同生菜🥬，咁多配料疊埋一齊之後算係幾高既一款漢堡🙆🏻♀️
漢堡包🍔上面以黑白芝麻作點綴，食起黎就無乜特別，估計係為左令賣相更加吸引吧🤨
麵包食落帶有微微既牛油香🧈 ，雖然隔左一段時間先食，口感依然係外脆內軟👍🏻 至於兩塊漢堡扒既火候🔥亦控制得不錯，內裡既肉質依然粉嫩，食落帶有好香油脂味仲夠juicy，加埋溶化左既車打芝士🧀，就算呢款漢堡並無醬汁既加持，漢堡扒+香脆既煙肉+煎蛋，啖啖肉得黎唔會又乾又鞋，既滿足到食肉獸既胃口，食完亦唔會令人覺得油膩感好重，個人認為整體唔錯😋
-
✨和牛漢堡🍔 ($88)
呢款漢堡既配料有120日既穀飼澳洲和牛🐮、炸洋蔥絲🧄、日式芝麻醬同美國大孔芝士🧀，個人認為和牛既肉質比起上一款安格斯牛肉更為軟嫩，不過係牛味同油脂味方面就無安格斯牛咁明顯🤔第一次食到漢堡係會加入炸洋蔥絲🧄同日式芝麻醬，炸洋蔥絲食落好香脆，令口感更有層次，而日式芝麻醬作為漢堡包既醬汁再加埋芽菜苗，意想不到既配料組合埋一齊唔突兀之餘仲幾特別🙂
個人都幾欣賞呢度既漢堡係會因應返配料而有所不同，唔會永遠都只係肉扒🐮+芝士🧀+蕃茄🍅+生菜🥬呢種咁單一既經典組合👍🏻
-
✨脆炸特製蕃薯條🍠 (套餐 +$28)
落單後睇住店員將蕃薯條🍠同洋蔥圈🧄放入炸爐內油炸既時候已經印象不錯，感覺呢度全部食物都係即叫即製非常新鮮🐵
當日臨走時店員再三提醒有兜橙色既辣蛋黃醬係for蕃薯條既，微辣既醬汁加上甜而不膩既蕃薯條不但無喧賓奪主既感覺，反而令人覺得幾惹味😋相比成日都有得食既傳統薯條🍟，蕃薯條真係會令人回味無窮🤤
比較可惜既係蕃薯條既水分💧始終較高，加上因為係外賣並非新鮮即食，除左較為面頭既蕃薯條口感依然香脆之外，其餘既口感都較為軟腍，真係要新鮮趁熱食先得😣
-
✨炸洋蔥圈🧄 (套餐 +$28)
炸至金黃色既洋蔥圈同蕃薯條🍠相比反而保持到香脆可口，唔會滲油同有種食緊炸粉既感覺；可惜口感過於堅實，洋蔥味未夠突出😣
如果男士們睇波⚽️想搵d香口小食黎送啤酒🍺，呢客洋蔥圈係唔錯既，但如果好似我咁係為左填肚同滿足味蕾👅，個人認為有可以改善既空間🤔
-
✨香草雞扒意粉🍝 ($67)
呢客以店家自家製橄欖油香草醬配上香煎雞扒🐔、蘆筍、青紅椒同巴馬臣芝士碎🧀既香草雞扒意粉，雞扒煎得夠香，經過醃製之後食落都幾惹味😋，不過個人認為香草醬既香草味唔太突出，裡面有蒜蓉反而似係橄欖油香蒜炒意粉多d，同埋扁意粉既口感稍為偏硬🤏🏻，如果軟返少少會比較好
以價錢既角度黎講，呢客意粉都算係物有所值既🤔
******************************👧🏻人均消費：$150
😋味道指數：4/5
💰抵食指數：4/5
🪑環境指數：3/5
💁🏻♀️服務指數：3.5/5
👍🏻再訪指數：3.5/5
-
📍Burgerman
地址：深水埗欽州街65-71號地下
⏰營業時間：11:00–22:00 (Mon–Sun)
(📍大角咀亦有分店)
Post
