Ask For Alonzo

Open Now

Now Closed

最近試咗一個$288/位嘅Tasting Menu，呢個餐單雖然價錢親民，但無論係食材定味道都令人非常滿意。我哋叫咗兩個share。餐前小食係冷切肉同芝士拼盤，冷切肉質地細膩，鹹香適中，有火腿同多款風乾肉，搭配濃郁嘅芝士，帶出咸香與微酸嘅層次感。另外加$48升級為Sauteed Clams，香炒蜆肉浸喺辣檸檬白酒湯底入面，配埋脆卜卜嘅意式focaccia麵包，鮮味爆燈。主菜我揀咗Penne Alla Vodka，煙燻嘅蘋果木培根帶出獨特香氣，甜豆嘅清甜同粉紅色嘅忌廉醬汁融合得非常好，濃郁而不膩，配埋彈牙嘅Penne，口感豐富。每一啖都充滿幸福感。我朋友點咗Spaghetti Alle Vongole，呢款以蜆肉為主嘅意粉亦係一個經典之選。大廚將蒜香、辣椒同白酒完美結合，帶出蜆肉嘅鮮味，檸檬嘅清新同意大利香芹嘅點綴令整道菜更加清爽。意粉煮得剛剛好，軟硬適中，食完一碟仲想再嚟一碟。餐後送上咖啡或者茶，簡約但滿足。