琛夜食堂 (Closed)

今日約左朋友出去the one同Mira place 行街，約好左一齊食個lunch先開始shopping。朋友帶左我嚟食呢間餐廳，話好抵食！午餐餐牌48蚊包沙律、湯、甜品任食，再加一杯飲品。可以自已揀加唔加主食，最平加10蚊就有，最貴都係30蚊。沙律bar有好多款揀，有生菜、薯仔、火腿、炒豆角、椰菜花、雜果，仲有幾款醬揀。我最鐘意係千島醬，加落沙律到好夠味！湯係菠菜忌廉湯，將啲菠菜打到好碎出曬味，忌廉湯好creamy，因為任飲嘅關係，我忍唔住飲左2碗。主食加左10蚊叫左意式乾茄大蝦意粉，意粉軟硬啱啱好，大蝦都幾新鮮。係味道淡左少少，整體都唔錯。甜品係芒果布甸，份量細細杯啱曬飯後食。