C2 Kitchen (Closed)

見咁多人推薦，又有藝人去過讚好，於是決定放工去食。呢間鋪兩個地鐵站都唔近，慢行要十幾分鐘。鋪頭比較細，繁忙時間去有人龍，我地係九點幾去先至有位。我叫咗個薄切安格斯牛扒露筍忌廉汁闊條麵。所有嘢都係即叫即造，要等十分鐘左右。上菜熱辣辣，聞到忌廉香味。牛扒非常軟熟，裏面微微粉紅色，有比心機控制火候，配埋醬汁好好食。雖然忌廉汁會食到幾飽，但無多餘嘅油，感覺剛剛好，麵嘅份量都唔會太多。鋪頭比較細同迫，去到得吧枱，店員忘記咗比返矮枱我地比咗新客，不過多數都係咁。