Video
Read full review
2024-11-24
530 views
天氣突然轉凍，梗係要食返個熱辣辣嘅燒肉暖下胃啦。今次食嘅係B 餐匠心燒肉放題。喺openrice book 位仲有9折，HKD288 一位抵啊😋😋餐廳光猛，主要係卡位，闊落好坐。一坐低待應哥哥已經上前菜，開定爐，好有效率。爐上面有芝士粟米，同蛋。前菜有泡菜，沙律，蘿蔔，薯蓉，芽菜等，幾小碟。泡菜偏甜唔辣，係遷就香港人口味果隻，中意食傳統泡菜的話，就未必係你杯茶。其餘嘅就不過不失。先試下d 烤肉類，叫咗韓牛外群肉，韓國嚴選牛肉，蔥蒜韓牛五花，炑八厚切五花腩，雞翼。韓牛外群肉最出色，雖然細片，但好濃牛味，係韓牛獨有嘅香味。韓國嚴選牛肉，個樣幾靚幾大塊，食落感覺似靚嘅美國牛，唔差，但始終不及韓牛。蔥蒜韓牛五花就係平時韓燒，甜甜地嘅醃肉味。炑八厚切五花腩，唔夠肥燒完比較硬身。雞翼無特別。反而佢嘅韓熟食做得唔錯蜂蜜牛油炸雞似新鮮炸起，香，嫩，juicy.韓式粉絲，粉絲比較濕，但滿滿麻油香，都幾好。特別想讚佢嘅大醬湯，可能廚房將大量頭頭尾尾唔要嘅肉放埋入去煲，勁足料勁甜，出色。配埋個蟹籽紫菜手抓飯去食燒肉，大滿足---要彈嘅係佢嘅海鮮，紅蝦，蠔同八爪魚全部都係淋淋霉霉咁，佢又唔係壞，似乎係溶雪後浸
今次食嘅係B 餐匠心燒肉放題。
喺openrice book 位仲有9折，HKD288 一位抵啊😋😋
餐廳光猛，主要係卡位，闊落好坐。
一坐低待應哥哥已經上前菜，開定爐，好有效率。爐上面有芝士粟米，同蛋。
前菜有泡菜，沙律，蘿蔔，薯蓉，芽菜等，幾小碟。泡菜偏甜唔辣，係遷就香港人口味果隻，中意食傳統泡菜的話，就未必係你杯茶。其餘嘅就不過不失。
先試下d 烤肉類，叫咗韓牛外群肉，韓國嚴選牛肉，蔥蒜韓牛五花，炑八厚切五花腩，雞翼。
韓牛外群肉最出色，雖然細片，但好濃牛味，係韓牛獨有嘅香味。
韓國嚴選牛肉，個樣幾靚幾大塊，食落感覺似靚嘅美國牛，唔差，但始終不及韓牛。
蔥蒜韓牛五花就係平時韓燒，甜甜地嘅醃肉味。
炑八厚切五花腩，唔夠肥燒完比較硬身。
雞翼無特別。
反而佢嘅韓熟食做得唔錯
蜂蜜牛油炸雞似新鮮炸起，香，嫩，juicy.
韓式粉絲，粉絲比較濕，但滿滿麻油香，都幾好。
特別想讚佢嘅大醬湯，可能廚房將大量頭頭尾尾唔要嘅肉放埋入去煲，勁足料勁甜，出色。
配埋個蟹籽紫菜手抓飯去食燒肉，大滿足
---
要彈嘅係佢嘅海鮮，紅蝦，蠔同八爪魚全部都係淋淋霉霉咁，佢又唔係壞，似乎係溶雪後浸咗一輪再上枱做成
另外，餐廳飲品選擇較小，汽水，啤酒，烏龍茶夾埋得5,6款。
甜品亦只有3隻味嘅牛奶公司雪糕。
整體上食物唔差，如果要求唔高，食下d 熟食，燒肉（唔推薦海鮮）平平地叫做乜都有得食下係幾好嘅選擇。
Post
