Video
Read full review
2013-06-21
127 views
是日往APM睇戲，趁未夠鐘入場快快趣去附近醫飽個肚。「忘不了」位於觀塘廣場附近既東廣場，由APM或者觀塘地鐵站行過去大約五至十分鐘度。餐廳位於商場一樓，對正電樓梯既舖位，基本上唔駛搵就會見到。由於趕時間既關係，點菜時已經叫店員「快手快腳」，而佢地亦都好醒目地配合，所以食完飯重有時間去買野飲添！Anyway，由於驚趕唔切既關係今次都係order D大路上海野，小籠包呀酸辣湯呀咁。雖然係咁但係佢地都交足功課。首先上枱既係小籠包，坦白講呢味菜毫無技術可言，唯一要讚既係肉既肉質真係好有肉既鮮味，一口咬落去既時候D汁剛剛好，唔會一pat野「必」晒出黎咁。不過，包既皮就略為厚左少少，食落口既時候粉既味到有少少over左，令到我喺呢個環節扣左D分。黃金炒飯︰同一般炒飯唔同，佢地用左鴨蛋去炒，一方面可以令到飯既色澤更加搶、更加奪目之外，亦可以同炒飯既飯香混埋一齊令到個味道更加出，呢度一定要俾個讚佢！至於蝦既用料方面，雖然要控制成本，但係佢地一定喺處理蝦既過程方面落左心機，一D雪味都感覺唔到，重食到少少僅餘既鮮味添！酸辣湯︰最喜出望外既係佢既portion。本來諗住幾十蚊貨仔都係果D一碗白飯咁大size
Anyway，由於驚趕唔切既關係今次都係order D大路上海野，小籠包呀酸辣湯呀咁。雖然係咁但係佢地都交足功課。首先上枱既係小籠包，坦白講呢味菜毫無技術可言，唯一要讚既係肉既肉質真係好有肉既鮮味，一口咬落去既時候D汁剛剛好，唔會一pat野「必」晒出黎咁。不過，包既皮就略為厚左少少，食落口既時候粉既味到有少少over左，令到我喺呢個環節扣左D分。
黃金炒飯︰同一般炒飯唔同，佢地用左鴨蛋去炒，一方面可以令到飯既色澤更加搶、更加奪目之外，亦可以同炒飯既飯香混埋一齊令到個味道更加出，呢度一定要俾個讚佢！至於蝦既用料方面，雖然要控制成本，但係佢地一定喺處理蝦既過程方面落左心機，一D雪味都感覺唔到，重食到少少僅餘既鮮味添！
酸辣湯︰最喜出望外既係佢既portion。本來諗住幾十蚊貨仔都係果D一碗白飯咁大size既湯，無諗過佢會俾咁大煲我地，就算四個人都食得晒呀！湯方面用料好足，基本上應該有既料佢都有喺裏面，而湯喺酸vs辣既平衡方面亦做得好好，唔會有好似坊間一般過酸或辣既情況出現。唯一有少少唔OK既係碗湯應該落左唔少味精，因為食完之後成晚都好口渴呀！
花雕醉雞︰由於係後加既關係呢味菜最後先黎。Anyway，呢度要讚一讚師傅喺取材方面做得好好。D雞冇整得太熟，令到佢失去鮮味之餘，亦可以將酒既味道滲入雞皮裏面。酒既濃度亦都啱啱好，唔會太重酒味之餘亦都唔會「到喉唔到肺」咁，幾十蚊就食到百幾蚊既質素，抵呀！
Overall我覺得呢間店完全交到功課。坦白講百零蚊貨色始終唔可以expect太多。以咁既價錢有咁既質素去邊度搵？呢間店既「性價比」一定係我近期食過既餐廳之中最高的！
Post
