Video
Read full review
2018-03-24
196 views
朋友介紹既隱世台灣餐廳，其中一d煲，係要預訂，聞說係做私房菜既老闆親自操刀。咁親即刻預訂左個蟹煲同芋頭煲，一行6人去試下佢有幾出眾😎真係好有驚喜！呢一版既菜係要預訂，今次試左個蟹煲同埋南瓜芋頭煲。霸皇紅蟳粉絲煲 $380 ⭐️⭐️⭐️⭐️⭐️呢個蟹煲真係極力推薦平時出面食既蝦煲蟹煲既粉絲又少又淨係得鼓油味，隻蟹又唔新鮮。呢度既蟹好新鮮，原來要預訂係因為即日準備新鮮食材，隻蟹勁多蟹膏🤤D膏散佈喺成個煲入面，粉絲係好香蟹味。***但係記得要早幾日打去預訂***台灣南瓜芋頭煲 $128⭐️⭐️⭐️⭐️⭐️呢個煲一樣要預訂，唔記得左影相。由朋友推薦去到上菜都無抱有太大期望，心諗芋頭可以去到幾好味先？點知，一食，嘩一聲點解咁可以整到咁香咁奶咁椰？100分驚喜，芋頭同南瓜仲好淋好淋，鐘意食芋頭一定要叫！呢個預訂系列好正呀！本身想預訂埋海參煲，點知佢無囉，即係逼我再黎姐！滷水拼盤 $88⭐️⭐️⭐️⭐️豆腐好快被人搶哂食唔到，應該唔錯既。個大腸幾入味。整體黎講幾抵食！台灣馳名鹹酥雞 $78⭐️⭐️⭐️⭐️⭐️外脆內軟既鹽酥雞，個放雞雞既雞雞盤好可愛呀！味道就比5粒星，不過鹽酥雞$78有d貴。一場黎到都要試下既三杯雞 $128⭐️⭐️⭐️⭐️朋友
呢一版既菜係要預訂，今次試左個蟹煲同埋南瓜芋頭煲。
霸皇紅蟳粉絲煲 $380 ⭐️⭐️⭐️⭐️⭐️
紅蟳粉絲煲
17 views
0 likes
0 comments
呢個蟹煲真係極力推薦平時出面食既蝦煲蟹煲既粉絲又少又淨係得鼓油味，隻蟹又唔新鮮。呢度既蟹好新鮮，原來要預訂係因為即日準備新鮮食材，隻蟹勁多蟹膏🤤D膏散佈喺成個煲入面，粉絲係好香蟹味。***但係記得要早幾日打去預訂***
台灣南瓜芋頭煲 $128⭐️⭐️⭐️⭐️⭐️
呢個煲一樣要預訂，唔記得左影相。由朋友推薦去到上菜都無抱有太大期望，心諗芋頭可以去到幾好味先？點知，一食，嘩一聲點解咁可以整到咁香咁奶咁椰？100分驚喜，芋頭同南瓜仲好淋好淋，鐘意食芋頭一定要叫！呢個預訂系列好正呀！本身想預訂埋海參煲，點知佢無囉，即係逼我再黎姐！
滷水拼盤 $88⭐️⭐️⭐️⭐️
鼎香滷水拼盤
11 views
0 likes
0 comments
豆腐好快被人搶哂食唔到，應該唔錯既。個大腸幾入味。整體黎講幾抵食！
台灣馳名鹹酥雞 $78⭐️⭐️⭐️⭐️⭐️
鹹酥雞
17 views
0 likes
0 comments
外脆內軟既鹽酥雞，個放雞雞既雞雞盤好可愛呀！味道就比5粒星，不過鹽酥雞$78有d貴。一場黎到都要試下既
三杯雞 $128⭐️⭐️⭐️⭐️
三杯雞
16 views
0 likes
0 comments
朋友覺得好台灣風味，我覺得味道好濃郁，雞都好嫩滑，鐘意有d酒味既朋友會好鐘意。
台灣腸 $58 ⭐️⭐️⭐️⭐️⭐️
台灣香腸
13 views
1 likes
0 comments
好好味呀🤤正宗經典台灣腸！夾埋d蒜頭一齊食仲正呀！
高雄夜市蚵仔煎 $88 ⭐️⭐️⭐️⭐️⭐️
蚵仔煎
21 views
0 likes
0 comments
呢個蚵仔煎好掂，蛋同蠔仔既比例1:1，就算連台灣食既都會加多d粉漿少d蠔，減低成本。呢個蛋味好香，蠔仔新鮮又肥又大大粒，推薦必食呀！！！佢跟個泰式辣醬，點左出奇地好味。
酥炸五香雞卷 $38 ⭐️⭐️⭐️⭐️
五香雞卷
12 views
0 likes
0 comments
呢個好新𩓙，未食過，原來除左雞肉入面仲有豬肉，口感幾特別，$38可以一試！
避風塘炒油麥菜 $78 ⭐️⭐️⭐️⭐️⭐️
避風塘炒油麥菜
8 views
0 likes
0 comments
食得多肉都要食d菜既，呢個好香，d菜都好新鮮。
廟口肉燥飯 $35 ⭐️⭐️⭐️⭐️⭐️
呢個又唔記得影相，不過係好食既，老闆話係d肉燥自家製。
台灣菠蘿啤酒 $25 ⭐️⭐️⭐️⭐️⭐️
好適合女仔似飲，甜甜菠蘿味既啤酒🍍真係由台灣入口，得2點幾%酒精，點飲都唔會醉添。
最後我地都好滿足捧腹而回，一定番黎試個海參煲！！！
Post
