Video
Read full review
2018-04-29
330 views
登龍街已經變成米芝連排隊專區係星期六中午1點左右，超過一半既餐廳外都有人龍，成個情境變左行人專用區咁。想食既上海餐廳要排隊，時間唔允許，隔離就有一間日本餐廳，望望下發現一早係OpenRice 收藏左，入面仲有空枱，即刻推門入去。點知侍應哥哥問有無訂位？OMG 食lunch 都要訂位😱⋯⋯結果我哋話只需食30分鐘就走，佢就俾位我哋坐低。係我地叫錯嘅食，人哋餐廳個名都叫釜飯，明明出名食釜飯真係唔應該叫其他菜式，就好似去西餐扒房叫乾炒牛河食咁，錯哂！講返啲食物，由於釜飯製作需時，首先叫咗個蟹肉釜飯定食，再加一客炸蟹肉天婦羅湯蕎麥麵。先嚟咗份炸天婦羅蕎麥麵，一眼望落去已經知唔對路，果三條蟹柳炸到油淋淋，而下面嗰張牛油紙完全發揮作用啦，係咁幫手吸油。。終於鼓起勇氣試吓食，不出所料油到根本食唔到，啲炸粉又厚又咸！雖然得嗰三條咁多，結果都係食唔哂。相返，碗蕎麥湯麵就相對正常，尤其係上邊嗰兩大塊腐皮，相信係現成交貨嘅材料，所以想整得難食都幾困難，至於碗麵都算食得落。到重點釜飯定食上枱。賣相非常好，已經做到大部分食客嘅基本要，爭取收視成功。腌菜，前菜齊備，味道都可以，到開始食主菜蟹肉釜飯，佢有埋三文魚子
係星期六中午1點左右，超過一半既餐廳外都有人龍，成個情境變左行人專用區咁。
想食既上海餐廳要排隊，時間唔允許，隔離就有一間日本餐廳，望望下發現一早係OpenRice 收藏左，入面仲有空枱，即刻推門入去。點知侍應哥哥問有無訂位？OMG 食lunch 都要訂位😱⋯⋯結果我哋話只需食30分鐘就走，佢就俾位我哋坐低。
係我地叫錯嘅食，人哋餐廳個名都叫釜飯，明明出名食釜飯真係唔應該叫其他菜式，就好似去西餐扒房叫乾炒牛河食咁，錯哂！
講返啲食物，由於釜飯製作需時，首先叫咗個蟹肉釜飯定食，再加一客炸蟹肉天婦羅湯蕎麥麵。先嚟咗份炸天婦羅蕎麥麵，一眼望落去已經知唔對路，果三條蟹柳炸到油淋淋，而下面嗰張牛油紙完全發揮作用啦，係咁幫手吸油。。終於鼓起勇氣試吓食，不出所料油到根本食唔到，啲炸粉又厚又咸！雖然得嗰三條咁多，結果都係食唔哂。相返，碗蕎麥湯麵就相對正常，尤其係上邊嗰兩大塊腐皮，相信係現成交貨嘅材料，所以想整得難食都幾困難，至於碗麵都算食得落。
到重點釜飯定食上枱。賣相非常好，已經做到大部分食客嘅基本要，爭取收視成功。腌菜，前菜齊備，味道都可以，到開始食主菜蟹肉釜飯，佢有埋三文魚子另上，睇落好似好正。。可惜一試入口味道偏咸，仲有些少雪藏味加些少腥味！至於個飯底都算幾好味，軟硬腍度做得好好。。可能係自己一廂情願，原來個飯底先係主角！
如果為打卡，可以一試。。如果為食物，不試無防！事關價錢都唔平，you 諗 you！
Post
