Video
Read full review
2017-12-29
119 views
依家小店係朋友介紹，專程Book位過黎試下。出面食Omakase係一個好貴嘅野，但呢度五百蚊一位就可以食到。今晚黎到已高朋滿座，要等一陣安排座位。前菜：日本海帶配鵪鶉蛋同安康魚肝。由左至右開始食。日本海帶配鵪鶉蛋：冷盤，酸尾尾的，好開胃。安康魚肝：冇腥味，與其他肝類既食物作比較，佢既魚肝冇咁膩，配上青蔥更突出魚肝既鮮味。秋刀魚刺身：9至12月係秋刀魚盛產既月份，所以口感肥美及豐富，有質感，但要配合適量既薑蔥同特製嘅酸汁更可蓋上魚本身既少少腥味。刺身拼盤：牡丹蝦、原隻帶子、吞拿魚頸同海膽魷魚卷。由左至右開始食。不得不提及一下佢既Wasabi好新鮮，帶有辛辣味。刺身好新鮮，牡丹蝦同帶子好大隻。吞拿魚頸口感豐富，重油脂味。海膽魷魚卷中有薄荷葉，我個人覺得蓋過左海膽既味道。三文魚籽、吞拿魚蓉、香草多士：有趣的Crossover，將三文魚籽同吞拿魚蓉塗滿係多士面黎食，估唔到咁夾，好好味。黑松露日本水耕菜：日本版火箭菜，好新鮮同爽口，配上酸味味既柚子汁同黑松露，清腸胃既感覺出現。日本雞扒：來自日本雞，師傅煮到九成熟。佢叫我地唔好怕雞皮，要連皮點沙律醬食，雞皮超香口，有少少濃濃地，反而更覺惹味，雞肉
前菜：日本海帶配鵪鶉蛋同安康魚肝。由左至右開始食。
日本海帶配鵪鶉蛋：冷盤，酸尾尾的，好開胃。
安康魚肝：冇腥味，與其他肝類既食物作比較，佢既魚肝冇咁膩，配上青蔥更突出魚肝既鮮味。
秋刀魚刺身：9至12月係秋刀魚盛產既月份，所以口感肥美及豐富，有質感，但要配合適量既薑蔥同特製嘅酸汁更可蓋上魚本身既少少腥味。
刺身拼盤：牡丹蝦、原隻帶子、吞拿魚頸同海膽魷魚卷。由左至右開始食。不得不提及一下佢既Wasabi好新鮮，帶有辛辣味。刺身好新鮮，牡丹蝦同帶子好大隻。吞拿魚頸口感豐富，重油脂味。海膽魷魚卷中有薄荷葉，我個人覺得蓋過左海膽既味道。
三文魚籽、吞拿魚蓉、香草多士：有趣的Crossover，將三文魚籽同吞拿魚蓉塗滿係多士面黎食，估唔到咁夾，好好味。
黑松露日本水耕菜：日本版火箭菜，好新鮮同爽口，配上酸味味既柚子汁同黑松露，清腸胃既感覺出現。
日本雞扒：來自日本雞，師傅煮到九成熟。佢叫我地唔好怕雞皮，要連皮點沙律醬食，雞皮超香口，有少少濃濃地，反而更覺惹味，雞肉暖暖又嫩滑，只有日本有雞刺身食，所以可以煮到九成熟。
蕎麥麵：同樣，師傅專誠搜羅日本蕎麥麵。講真，出面真係食唔到呢種蕎麥麵嘅質地，口感特別煙韌。湯頭好清，甜甜地同暖暖地。由於我地已經飽飽地，所以我地要求份量要少啲，所以睇落去既份量都比較少。
合桃芝士蛋糕：自家製蛋糕。我幾鐘意味道唔太甜，有芝士味又有數粒合桃係裏面。為呢個晚餐畫上完滿句號。
食後感：我十分欣賞這間小店既用心製作。奈何西環地鐵通車後令到此街既人流少左，依個位置真係要專誠去食了。
Post
