月．火鳳燒鳥 (Closed)

最近去左呢間月。火鳳燒鳥，餐廳嘅裝修係旺角區少有嘅有格調，相當唔錯.一坐低首先有個前菜粟米椰菜沙律🥗，酸酸甜甜幾開胃.之後食左個刺身盛合，入面有中拖羅，油甘魚，池魚，𩶘魚，八爪魚🐙，刺身新鮮，油甘魚同八爪魚呢兩樣特別鮮甜，唔錯呀.食完凍嘢就食返啲熱嘢，有味噌煮牛肉，入面有牛舌同牛腩兩個部分，口感大有不同，一個淋，一個彈牙，味噌帶有微辣，味道幾好.之後再有炸物，吉列帶子同吉列蠔，兩種海鮮都十分juicy，又唔會帶熟搞到鞋，推介呀.之後再食左燒原條貝割魚，睇住佢由一開始燒到佢脆卜卜，冇落多餘嘅調味，只係落咗鹽，就能夠帶出魚嘅鮮味，係成晚嘅highlight呀.另外仲食咗幾串串燒，包括車厘茄煙肉卷，汁燒雞肉，秋葵，京蔥.最後甜品仲有水玄信餅，一個全透明嘅波波真係好靚，連埋黑糖漿，就唔使驚水玄信餅係冇乜味㗎啦.飲品方面，餐廳為我地揀咗酒精量較低嘅梅酒，就算平時好少飲酒嘅我都覺得甜甜地，好易入口呀