碼頭上魚

Open Now

Now Closed

碼頭上魚喺碼頭故事隔離，都係屬於頂級嘅火鍋店，一分錢一分貨，價錢當然都唔係平民食肆，譬如田雞大概200幾蚊一份。店舖提供極高質素嘅生猛海鮮，例如龍蝦、象拔蚌刺身等，但係由於當日人數唔多，龍蝦整隻都有3斤，象拔蚌都兩斤幾。為免造成浪費就冇叫啲未必食得晒嘅食物，不過在此提供一下參考價錢，以龍蝦三斤去計算，$58一兩，計埋+1大概$3000左右。而當日食咗鴛鴦鍋底(麻辣x原條鰂魚湯)，打邊爐除咗最重要個爐，一定係睇湯底。原條鰂魚放湯熬出極之鮮甜嘅魚湯，就算咩食物都未落，齋飲一啖魚湯都覺得值回票價！其餘則叫咗土豆片、魷魚、肥牛、鴨血、鮑魚、雲吞等等，都係十分好食。最值得一提嘅係龍躉片，只係$168，一啲都唔貴，但係又大塊又厚身，食落仲好有魚味，係全晚最難忘嘅美食！除此之外，店舖仲做緊限時優惠，只要like左社交平台page，仲送四川著名甜品冰粉！