Video
Read full review
2012-05-28
101 views
9個中學同學一齊想搵個地方聚舊傾偈，在Openrice搵到食評唔錯的United Cafe Bistro，不過訂枱時侍應話果邊太細太逼，transfer我地過黎呢間大D又新D的分店～7點半去到，推門入去覺得舖面唔大，又有D嘈，原來大枱主要在樓上！上到去見到已經有一半人到左，樓上靜好多，地方企理舒服，唔會太暗，幾岩我水意！睇下Menu，都幾多選擇，但係價錢唔平，好在有同學有CitiBank信用咭，打返個8折～小食拼盤都幾多野，除左份量最多的魷魚圈，仲有煙三文魚、帶子、雞翼、蕃茄，樣樣都好食！叫左兩個前菜，薯蓉焗田螺同埋藍青口都好食，青口有好多隻，但係每隻D肉都好細～呢度D pizza最多人讚好，第一輪我地叫左個意國風情批，餡料有火腿、蕃茄同芝士，但係好細塊，9個人唔夠分，我地惟有再叫多個有雜菌、菠菜同芝士的Pizza，同樣係幾好味，份量就一樣，每人只分到細細份。飯麵我地叫左4個咁多，原因係過百蚊一碟意粉／飯，份量居然細到連一個屋企飯碗都唔及！每人一啖都唔夠分囉，就算兩個人食都嫌少，何況我地9個人...！其實D食物賣相係好好的，味道亦好好︰千層麵有好濃的茄醬味道但D汁唔會太”杰“、螺絲粉D
7點半去到，推門入去覺得舖面唔大，又有D嘈，原來大枱主要在樓上！上到去見到已經有一半人到左，樓上靜好多，地方企理舒服，唔會太暗，幾岩我水意！
睇下Menu，都幾多選擇，但係價錢唔平，好在有同學有CitiBank信用咭，打返個8折～
小食拼盤都幾多野，除左份量最多的魷魚圈，仲有煙三文魚、帶子、雞翼、蕃茄，樣樣都好食！
叫左兩個前菜，薯蓉焗田螺同埋藍青口都好食，青口有好多隻，但係每隻D肉都好細～
呢度D pizza最多人讚好，第一輪我地叫左個意國風情批，餡料有火腿、蕃茄同芝士，但係好細塊，9個人唔夠分，我地惟有再叫多個有雜菌、菠菜同芝士的Pizza，同樣係幾好味，份量就一樣，每人只分到細細份。
飯麵我地叫左4個咁多，原因係過百蚊一碟意粉／飯，份量居然細到連一個屋企飯碗都唔及！每人一啖都唔夠分囉，就算兩個人食都嫌少，何況我地9個人...！其實D食物賣相係好好的，味道亦好好︰千層麵有好濃的茄醬味道但D汁唔會太”杰“、螺絲粉D南瓜汁好香、芝士煙肉意粉睇落普通但食落好有芝士香、松露意大利飯就差咁D松露香氣不過D飯口感一流～ 但可惜份量真係少得可憐囉！
由於D侍應成日唔理我地，遲黎D同學仔坐低後要催三四次至有水送黎，我地就諗住叫野飲，點知叫完等勁耐至黎齊，而且水準唔合格，我叫的洋甘菊花茶淡到一D味都冇，唔係有蜜糖的話，我會以為自己飲緊水囉！雖然呢度環境同食物品質唔錯，但一衰在份量少到不得了，完全唔值佢個價！二衰在D侍應成日行來行去但都扮睇唔到我地舉手，dub低頭一枝箭咁走，慌死見到我地咁！我諗呢間都係冇下次啦...
Post
