ROOTS (Closed)

聽朋友介紹去呢間法國fusion 香港菜。其實食物方面都還可以既, 例如所謂代表菜式, 法國春雞配上味飯底,味道係幾好, 好有廟街排檔味道，不過收差不多$400。 其他幾樣菜式都係差呢類做法，法式加少少粵菜既材料。但有樣野佢地就好有地道特色啦，雖然收緊貴過酒店既價錢但係比到大排檔既服務比你。由其是其中一位重量級女服務員，行埋黎已經好有氣勢。點左兩個main course 後，呢位阿姊即以澳牛式語氣提示我地叫得野少，同埋話加單會好耐架。食完main course ，問佢攞個dessert menu 睇，望左大約兩分鐘，阿姊即時又催促我地，你地要dessert就快手啦，我8:30要收枱俾人㗎。(當時8點)。 我都係第一次食法國菜得到如此粗魯的對待，登時嘆為觀止。最後埋單四位都要二千幾，真係做到價格高檔，服務低檔。