Reserva Ibérica Tapas Bar & Restaurant (灣景中心) (Closed)

灣景中心呢間西班牙餐廳做緊午市套餐，有任食既沙律吧，仲包埋飲品，非常抵食。羅勒蕃茄通心粉配蕃茄芝士餅👄味道：通心粉真係好濃蕃茄味，一碟入面有唔少既蕃茄肉，蕃茄味濃，係天然既蕃茄味，又食到羅勒既清香，芝士餅鋪滿芝士粉，炸到好脆好香，入面都係蕃茄芝士餡，味道濃香！👀賣相：成碟既賣相都好好，好健康既感覺，滿滿既蕃茄，鮮艷既橙色夠晒吸睛，加埋炸到金黃色既芝士餅，更加吸引！蟹肉意大利麵配魚子醬👄味道：意大利麵入面有好多蟹肉，意大利麵唔會煮得太熟，口感岩岩好，蟹肉好鮮好多肉，真係啖啖肉呀，加埋滑滑既蟹膏同香噴噴既魚子醬，成個意粉既口感都好豐富，真係超級好食！👀賣相：呢碟絕對係打卡意粉，意粉面既蟹蓋釀佐蟹膏，成碟意粉又多蟹肉，真係睇到都想食！火腿芝士松露醬三文治👄味道：三文治嘅火腿唔會好厚，再加埋薄薄嘅芝士同埋好濃嘅黑松露醬，成個三文治都好好食，麵包又夠軟熟！👀賣相：呢個既賣相係無咩特別既，不過重點真係好好想味，細細粒好易咬入口！