橋底辣蟹

Open Now

Now Closed

跟朋友去食好嘢，今次去咗銅鑼灣食，嚟咗橋底辣蟹，好似之前幫襯過，但記憶中嗰時唔係喺呢帶。係好食嘅，但都唔算平，始終唔係真係大排檔環境，裝修都比較高級。食咗佢跟枱d花生，都幾脆，啱送啤酒，雖然見買一送一，無人一齊飲就算數。朋友唔食辣嘅，無叫招牌菜-蟹，點睇呢度都係主打辣嘢同蟹，見隔離人哋枱叫嗰碟辣蟹都幾吸引。叫咗其他香口嘢，椒鹽九肚魚同黃金蝦，黃金蝦同我之前元朗食過一次嘅差不多都係高 level 水準，落料夠，九肚魚炸得唔油膩，唔會成口油淋淋。唔想太熱氣叫咗一客粟米羹，粟米幾甜幾大粒。