張生記 (Closed)

臨近中秋節，同屋企人去咗食飯慶祝節日，今次去咗銅鑼灣嘅張生記，都好旺場，好多人包咗VIP房，而我哋就喺大廳坐，環境好大坐得寛敞。杭州東坡肉$252，東坡肉好多肥膏，入口即融，超好食，十分邪惡，可以加埋個包一齊食。蝦爆膳$238，蝦細細粒，重點要放喺嗰個爆膳，炸得好乾身，唔會太多炸粉，加埋啲酸酸甜甜醬汁，好味。魚麵筋豆麵$238，第一次食豆面，口感就好似粗身嘅韓式粉絲，用好多醬去炒，比較杰身，第一次食覺得幾特別，裏面仲有花膠同埋魚麵筋。家燒娃娃菜 $158，菜娃娃菜其貌不揚，唔好睇佢好似冇乜特別，但係食落好甜好新鮮嘅菜。