Video
Read full review
2024-07-20
110 views
🍽️ Maison ES ~~~~~~~~~~~~~~~~~~~~~~~~~~久違嘅Fine dining ，今次竟然無意中搵到間係灣仔電氣街嘅隱世法式餐廳。餐廳嘅侍應有別於大部分嘅法國餐廳，全部都可以用廣東話交流，每道菜上枱時都會介紹下由咩材料同經過咩步驟煮成，又會教下我地如何配搭去品嚐，留意返菜式嘅特色。就咁開始我地🙆🏻🙆🏻♀️四道菜之旅👍🏻首先黎個餐前氣泡酒Saint Louis Blanc de Blancs, N.V. 飲落泡泡感十足又帶少少酸，激發起我地嘅食慾🍾再黎就有兩款麵包配牛油，分別有酸種麵包同小圓餐包。麵包一咬好鬆脆，但食落就內裏好鬆軟，有小麥香味，而且牛油味好出，搽上後提升左唔少風味，更難得係佢好香嘅麵包味好有新鮮出爐既感覺🥯前菜1 - 墨魚「面」🦑呢道菜係以喇沙醬汁泡沫為底，中間打咗啲青檸泡泡入去，面層有啲三文魚子同埋蝦乾。食落好有驚喜，佢將墨魚切成一條條形狀好似麵咁，容易入口之餘，又加咗啲酸酸甜甜既檸檬酸，再加上蝦乾帶出海鮮嘅口味，成道菜十分開胃，最後撈埋一齊酸酸甜甜，再帶新加坡風味風味嘅醬汁 ，複雜得來又豐富嘅口味，創意分都幾高 ☺️前菜2 - 招牌和牛他他 🐂
~~~~~~~~~~~~~~~~~~~~~~~~~~
久違嘅Fine dining ，今次竟然無意中搵到間係灣仔電氣街嘅隱世法式餐廳。餐廳嘅侍應有別於大部分嘅法國餐廳，全部都可以用廣東話交流，每道菜上枱時都會介紹下由咩材料同經過咩步驟煮成，又會教下我地如何配搭去品嚐，留意返菜式嘅特色。就咁開始我地🙆🏻🙆🏻♀️四道菜之旅👍🏻
首先黎個餐前氣泡酒Saint Louis Blanc de Blancs, N.V. 飲落泡泡感十足又帶少少酸，激發起我地嘅食慾🍾
再黎就有兩款麵包配牛油，分別有酸種麵包同小圓餐包。麵包一咬好鬆脆，但食落就內裏好鬆軟，有小麥香味，而且牛油味好出，搽上後提升左唔少風味，更難得係佢好香嘅麵包味好有新鮮出爐既感覺🥯
前菜1 - 墨魚「面」🦑
呢道菜係以喇沙醬汁泡沫為底，中間打咗啲青檸泡泡入去，面層有啲三文魚子同埋蝦乾。食落好有驚喜，佢將墨魚切成一條條形狀好似麵咁，容易入口之餘，又加咗啲酸酸甜甜既檸檬酸，再加上蝦乾帶出海鮮嘅口味，成道菜十分開胃，最後撈埋一齊酸酸甜甜，再帶新加坡風味風味嘅醬汁 ，複雜得來又豐富嘅口味，創意分都幾高 ☺️
前菜2 - 招牌和牛他他 🐂
第二道菜風味十分之強烈，係帶辣味既菜式。A4和牛配上麻辣醬，魚子醬同鵪鶉蛋，內裏嘅配料都比較濕潤，所以佢配有奇亞籽脆片，建議一齊食去中和返濕潤口味，脆中帶嫩，十分之好味嘅組合，再連埋鵪鶉蛋一齊食，蛋中和返辣味，口味取勝👍🏻
🙆🏻主菜 - 法國鵪鶉
鵪鶉肉整成兩款美食，一款係油炸過嘅脆鵪鶉腿棒，一款係紹興酒鵪鶉肉卷。肉好有酒香味，肉質好嫩滑，配搭返底下嘅甜甜地嘅紅棗泥醬汁，有種酸酸地，又甜中帶咸嘅感覺。
🙆🏻♀️主菜 - 銀䱽魚
魚肉比想像中結實而有魚味，配有法國蜆肉，豆豉泥，甜蒜泥，蔥花泡沫同法式甜醬油奶油汁，食落有陣陣嘅鹹香味，簡單帶出魚肉嘅鮮味，加上蜆肉帶出鮮味，成碟嘅海鮮味好出
是日甜品 - 咖啡多士配馬卡龍
咖啡法式多士甜出乎意料地真係做到似麵包咁款，但內裡又保持到一定既濕潤，有淡淡嘅咖啡味唔算太濃郁，隔離有個勁濃味嘅奶茶雪糕，同咖啡多士形成咗一個大嘅對比，如果將兩者撈埋一齊食嘅話有種鴛鴦嘅口味添🥰
法國菜最大嘅特點，每碟菜式都口味都好複雜，好豐富😋雖然地方比較隔涉，但餐廳地方好高級，環境好優雅，充滿與浪漫氣息，適合慶祝特別節日🥳
~~~~~~~~~~~~~~~~~~~~~~~~~~
Post
