Video
Read full review
2019-10-06
213 views
茶木連鎖店愈開愈多，食都食得多，但Teawood Deluxe就第一次食，Deluxe既裝修走貴氣西餐路線，而食物選擇都係比較多西式，再加d台式做Fusion。-入到店內，有一種同平時茶木不同的感覺，好似入左間西餐廳咁，而且都幾有格調-今次main點左兩樣西式既，平時茶木食唔到嘛🙈海鮮西班牙橡果豬肉燥義式燉飯依個燉飯有好多海鮮，有藍青口、大蝦、蜆、大帶子，而下面既飯都係茄味既Risotto，飯粒軟身，而且夾雜住肉碎，好開胃！值得一讚係佢嘅海鮮真係新鮮同埋鮮甜，尤其係帶子，煎到到外脆內嫩，而蜆肉都食得出佢嘅鮮味，青口係用藍青口，的確唔錯🤩另外點左燒加拿大帶骨豬鞍扒。蓮霧。蘋果蓉伴碟都幾有心思，蓮霧都係切薄片上，而且仲有蘋果蓉，配搭幾新穎。而豬鞍樣貌看似平平無奇，冇咩特別，不過食落好有驚喜，係好鮮嫩呀！完全唔韌口，見到切開都帶微微紅但其實係熟透架，食落又軟稔又有豬味，高質呀！飲品點左羌騷粉同熱人參烏龍珍珠奶茶☕️兩樣都好特別！羌騷粉飲落薑味好濃，而且帶少少薄荷，中間既係涼粉，味道幾特別，飲完係開胃架而熱人參烏龍珍珠奶茶，上碟好得意，珍珠分開上，奶茶keep住係茶壺入面保持溫度，珍珠煙韌，奶茶
-
入到店內，有一種同平時茶木不同的感覺，好似入左間西餐廳咁，而且都幾有格調
-
今次main點左兩樣西式既，平時茶木食唔到嘛🙈
海鮮西班牙橡果豬肉燥義式燉飯
依個燉飯有好多海鮮，有藍青口、大蝦、蜆、大帶子，而下面既飯都係茄味既Risotto，飯粒軟身，而且夾雜住肉碎，好開胃！
值得一讚係佢嘅海鮮真係新鮮同埋鮮甜，尤其係帶子，煎到到外脆內嫩，而蜆肉都食得出佢嘅鮮味，青口係用藍青口，的確唔錯🤩
另外點左
燒加拿大帶骨豬鞍扒。蓮霧。蘋果蓉
伴碟都幾有心思，蓮霧都係切薄片上，而且仲有蘋果蓉，配搭幾新穎。
而豬鞍樣貌看似平平無奇，冇咩特別，不過食落好有驚喜，係好鮮嫩呀！完全唔韌口，見到切開都帶微微紅但其實係熟透架，食落又軟稔又有豬味，高質呀！
飲品點左羌騷粉同熱人參烏龍珍珠奶茶☕️
兩樣都好特別！
羌騷粉飲落薑味好濃，而且帶少少薄荷，中間既係涼粉，味道幾特別，飲完係開胃架
而熱人參烏龍珍珠奶茶，上碟好得意，珍珠分開上，奶茶keep住係茶壺入面保持溫度，珍珠煙韌，奶茶都香醇，不過唔係太飲到人參烏龍味，似普通珍珠奶茶，但都好飲既
最後係期待而久既MTW鮮草莓奶蓋舒芙蕾班戟配草莓冰淇淋，超級大份🤣🤣🤣中間夾住大量草莓同忌廉，面頭鋪滿奶蓋，非常吸睛！
切開左裡面係流心😍😍係奶蓋啊，Pancake配奶蓋無得輸呢而且Pancake整到小小半熟效果，入口蛋味都幾香，好食！而雪糕就普通啲，偏甜，不過依個甜品好值得一試😋
Post
