首首.韓式小館 (Closed)

上星期同朋友路過利東街，行到攰攰哋，見到有間新式韓國菜就衝咗入去坐低。可能我哋五點幾入去，所以餐廳冇咩人，餐廳環境非常舒適。 朋友人有三急先去洗手間我就自己睇餐牌， 隔咗勁耐隊先返嚟， 原來去洗手間條路九曲十三彎，所以提提大家要去洗手間要預早一定時間😂。見到有個半價餐牌， 我估應該每日有唔同菜式半價出售，但因為朋友唔啱食所以冇叫到。一坐低，侍應就畀我哋一人一碟前菜， 辣辣地幾開胃。呢款炒韓國粉絲普普通通冇咩特別韓式甜辣炸脆雞塊味道唔錯但價錢有啲貴。最驚喜就係食呢個雪糕，係咪自家製就唔知，但雲呢拿配甜合桃，仲有啲芝麻脆片 非常好味，值得推介。