霸嗎拉麵 (Closed)

將軍澳人有四出覓食，今次係返本區食日本嘢， 見．寶琳新都城有間新開嘅拉麵店，就一於去試下啦。屋企人鍾意食辣，就叫咗個大辣嘅雞叉燒拉麵， 辣度冇令我失望， 香辣醬油味加埋濃郁的雞白湯， 一端上枱香味變撲鼻而來，食慾大增！拉麵質地爽口彈牙，又滑嘟嘟， 屋企人大讚高質👍👍， 加上拉麵索曬啲湯， 風味更上一層樓。 雞叉燒都好好食， 雞肉嫩滑又有濃濃的鮮雞味， 雖然得兩件雞， 但質素比分量重要😆😂呢個辣唐揚炸雞亦畀屋企人大讚， 新鮮榨出嚟外皮脆卜卜，裏面夠juicy! 啲雞汁係咁流出嚟， 夾埋日式辣醬好好食呀！呢個石鍋飯淨係睇個賣相已經好吸引， 上面有好多豚肉粒同原隻鮮蝦， 石鍋飯新鮮熱辣辣，放上枱嗰陣仲有吱吱聲， 享受完新鮮彈牙嘅蝦肉之後， 記住撈勻下面嘅醬油同飯焦， 會令整個熱辣辣嘅飯昇華~~( 點算呀越講越肚餓， 我啱啱先食完...)呢個羽根餃子都一試無妨， 餃子皮滑嘟嘟，餡料真材實料， 裏面食得出加咗唔少豬肉同菠菜。