不倒翁中日火鍋料理 (Closed)

孖G妹和保羅因為睇戲，睇完戲就high tea啦，但今次係chinese tea，知道i-square樓上多間酒樓都會飽覽維港及尖東景，所以就上來試茶兼睇景。不倒翁環境裝修走高檔格調，四周玻璃都設有梳化卡位，因此一邊坐著嘆茶，一邊望著靚景都真是超級舒服，超級正。而場中的枱椅亦寬堂舒適，亦能望到窗外景色。今日點了以下點心，現下午飲茶，每人送蝦餃一隻。鳳爪，有些辣，惹味。蘿蔔糕，賣相靚仔，上碟時切成方形塊狀，入口方便。而味道不過不失。波菜餃，賣相靚仔，蝦+少許波菜，有菜有蝦，配搭很好，清清地，食落味道唔錯。咸水角，普通，但都夠熱。牛肉球，一般。羅漢齋腸，足料清清地，味道唔錯。蝦餃，鮮蝦彈牙大隻，料足不錯。總觀，點心味道普遍一般至不錯，但又未至於超級好吃，但如果要服務好，坐得舒適，睇得靚景，不倒翁也是不錯的high tea 選擇。