旬菜富日本料理 (Closed)

一直想食呢度嘅吉列豬扒。趁今日有空，唔試點會心息?典型日本小店格局--- 乾淨企理，環境清靜。極多日本人幫襯，對呢餐更有期望...喝一口麥茶，抹抹手，開動...order一個吉列豬扒餐，先有湯烏冬，再嚟三個先付，跟住加埋主食，連埋甜品，百一蚊，吃得飽飽....烏冬質感煙韌，跟數街之隔嘅萬豚屋有得揮；湯有濃濃嘅昆布味，湯底清徹，一乾而盡....先附有經常見到嘅醬蘿蔔及牛蒡絲，及令人意想不到嘅煙肉片炒蛋。點解會有呢味呢? 費解...主角出場。豬扒肥瘦相間，肉質極嫩，皮亦炸得夠脆，碟底油份亦不算太多。單論豬扒嘅質素，已勝tonkichi一兩班...醮上自製嘅豬扒醬，甜甜酸酸的，更開胃...飯以日本米加泰國米兩溝而煑成，心理上點都係爭D...埋尾叫個特別D嘅rum酒提子雪糕，酒味不濃，但極甜，都算頗特別...service亦不錯，不斷加茶，女侍應亦謙恭有禮...下次必定帶太座嚟試試...