宴 尖沙咀

為答謝朋友嘅幫忙，帶佢嚟呢間朋友推介嘅餐廳食日式放題，食物同服務都超高水準，係值得一試嘅餐廳。我哋食嘅套餐係松餐火鍋放題，呢個套餐係所有食物都任食，最正係連松葉蟹都可以任食。松葉蟹係最高級嘅蟹之一，肉質有彈性，軟滑多汁，甜味十足，蟹膏甘香濃郁。松餐嘅湯底就係醬油湯同豬骨湯嘅拼鍋，醬油湯雖然係醬油味，但味道都唔會好鹹，而豬骨湯味道清潤帶甜又香醇，淡淡滋味，兩個湯底可以試到兩種唔同特色嘅味道。靚湯底配埋特上宮崎和牛，簡直一流。牛肉嘅肉質細膩、鮮嫩多汁，帶有豐富嘅油花。肉質呈現出明顯嘅大理石花紋，口感柔軟，入口即化。而日本豚肉勁彈力嘅口感，濃厚嘅鮮味，肉質細嫩且帶有適當脂肪，口感格外軟嫩。日本餐梗係唔少得刺身拼盤，每一款刺身都相當新鮮，完全冇腥味，味道鮮甜之餘仲帶有淡淡嘅海水味，食到停唔到口。