維港灣餃子坊 (Closed)

因為呢間餐廳不停期就會有新口咪餃子推出 所以耐唔耐都會想黎光顧下 而且佢地標榜無味精嘅老火湯 總會吸引到我同朋友叫左粟米芝士餃拼芫茜餃煎得非常之香脆 仍然都保持到水準材料非常足充足 粟米芝士餃記有芝士嘅軟身又有粟米嘅咬口 芫茜餃非常之香濃 鍾意芫茜嘅人真係要點呢個 仲要配埋無味精靚湯 完美鯪魚球大大粒熱辣辣 皮脆內彈牙 魚肉唔會霉 唔會好似茶樓嗰啲炸到淋曬再熱咁咁收晒水 超有水準其實兩個人都有少少飽 不過見到佢有個新出嘅重慶麻辣湯底我哋就決定叫多碗麵嚟一齊食 揀咗豬手波菜麵 豬手份量都多 口感都唔錯 但最有驚喜既係個菠菜麵 煮得非常之啱時間 唔會太淋 麵身夠彈有咬口 菠菜麵可以話係比較貴成本 而個重慶湯底亦都非常之值得一提佢唔會係嗰啲超級紅色多油嘅辣 反而佢係好容易入口但係慢慢嘅麻味辣味就會滲出嚟所以以呢碗麵嘅味道同價錢真係絕對超值