Video
Read full review
2017-09-17
31 views
約咗朋友來食日本野，由金鐘b出口行嚟，但中環出口應該近啲，因為係金鐘商業地區， weekend比較清靜，啱晒黎傾吓計飲下酒！首先我哋叫咗一個七款嘅刺身，一嚟到見到個樣已經話嘩出聲，有牡丹蝦，帶子，吞拿魚，吞拿魚腩，油甘魚，劍魚， 海膽。我本身唔係好食海膽因為曾經食過唔新鮮，嗰種感覺同味道係腦海到揮之不去，搞到唔敢再試，但朋友食完話好食好好食好鮮甜，我就膽粗粗再試下，點知食完真係對海膽嘅印象扭轉晒！超級鮮甜！當佢係舌頭溶化個刻簡直非筆墨能夠形容！好鮮甜而且一啲腥味都冇！份量都唔少簡直係過足癮！而其他魚都非常鮮甜，每一款充滿魚油同鮮味，兩個人食呢碟刺身真係大滿足！食得咁開心朋友話要叫番杯自家製梅酒試下，一邊食刺身一邊飲梅酒簡直係絕配！另外我哋叫咗個西京銀雪魚定食，有湯，沙律同前菜，本身對前菜冇好大期望，但有啲喜出望外嘅感覺，茄子炸過非常香口，配埋唔會過鹹嘅醬汁另外有蟹籽粒粒，一粒粒正方形但係一咬入去全部都係蟹籽，好得意！個湯好足料，好多海帶，濃度岩岩好！主菜到啦銀鱈魚不嬲係我最愛！燒到好香口，而魚肉仲係好滑溜，配沙律醬食，送飯簡直係一流！配菜有好多雞髀菇！見佢銀鱈魚做得唔錯，仲叫埋燒鰻魚嚟
首先我哋叫咗一個七款嘅刺身，一嚟到見到個樣已經話嘩出聲，有牡丹蝦，帶子，吞拿魚，吞拿魚腩，油甘魚，劍魚， 海膽。
我本身唔係好食海膽因為曾經食過唔新鮮，嗰種感覺同味道係腦海到揮之不去，搞到唔敢再試，但朋友食完話好食好好食好鮮甜，我就膽粗粗再試下，點知食完真係對海膽嘅印象扭轉晒！超級鮮甜！當佢係舌頭溶化個刻簡直非筆墨能夠形容！好鮮甜而且一啲腥味都冇！份量都唔少簡直係過足癮！
而其他魚都非常鮮甜，每一款充滿魚油同鮮味，兩個人食呢碟刺身真係大滿足！
食得咁開心朋友話要叫番杯自家製梅酒試下，一邊食刺身一邊飲梅酒簡直係絕配！
另外我哋叫咗個西京銀雪魚定食，有湯，沙律同前菜，本身對前菜冇好大期望，但有啲喜出望外嘅感覺，茄子炸過非常香口，配埋唔會過鹹嘅醬汁
另外有蟹籽粒粒，一粒粒正方形但係一咬入去全部都係蟹籽，好得意！
個湯好足料，好多海帶，濃度岩岩好！
主菜到啦
銀鱈魚不嬲係我最愛！燒到好香口，而魚肉仲係好滑溜，配沙律醬食，送飯簡直係一流！配菜有好多雞髀菇！
見佢銀鱈魚做得唔錯，仲叫埋燒鰻魚嚟試吓
，結果冇令我失望！好香口又冇骨！配埋珍珠飯一齊食，簡直有去左日本嘅感覺！
已猶未盡， 叫燒物試下， 點左海膽醬燒龍蝦，燒廣島生蠔。
龍蝦就唔係好食到海膽味啦，不過肉質彈牙鮮甜都幾好食！
呢個生蠔就唔係我杯茶啦因為覺得個醬好漏，但朋友就好鍾意食，大讚！
食到好飽好飽，非常滿足！定食仲有甜品送就係豆腐雪糕，唔會太甜，好香濃嘅豆腐味！
總括嚟講環境非常舒服， 又夠靜，食物質素唔錯，刺身好出色，會再嚟！
Post
