Video
Read full review
2021-07-08
1195 views
環境氣氛一流，超有野餐＋露營feel啊！而且地方寬敞坐得好舒服，最鍾意有張迷你矮凳坐，其他地方大多只係提供軟墊／枕頭。今次嚟到係嗌Glamping Set！＄588 / 2persons> 2款前菜小食＋2款主菜＋是日甜品我哋因為4個人食，梗係唔同款開心share~薯條配松露醬用籃仔裝著賣相已經好正，重點係都幾大兜。食落去好脆身熱辣辣，而且帶有蒜味。無醬都好好食，當然松露醬依然係絕配。北海道天婦羅炸蝦熱狗其實真係好細心，啲野食無論係擺盤定造型都好有心思。我哋完全估唔到頭盤份量都咁多，炸蝦熱狗面層鋪滿蟹籽同魚子，有fusion菜感覺，味道同口感都更豐富有層次。好開心係配蕃薯條㗎！甜得嚟外脆內軟，係完全停唔到口。三色迷你漢堡然後就係主菜啦～等覺得依款係滿足三個願望！因為細細個容易食，但又試到唔同款式。三色係包括有：安格斯牛肉、炸軟殼蟹、紐西蘭羊肉。羊肉咬落juicy，但羶味一啲都唔重，反而係淡淡羊肉香。相反牛肉口感差少少，有啲韌唔夠鮮嫩。最後軟殼蟹幾乎係原隻夾係中間，夠香脆但唔會太油膩，整得剛剛好！美式芝士豬肉餡餅一定要食依款！完全正中紅心！外皮唔係酥脆容易變腍果款，而係夠煙韌軟身
今次嚟到係嗌Glamping Set！＄588 / 2persons
> 2款前菜小食＋2款主菜＋是日甜品
我哋因為4個人食，梗係唔同款開心share~
薯條配松露醬
用籃仔裝著賣相已經好正，重點係都幾大兜。食落去好脆身熱辣辣，而且帶有蒜味。無醬都好好食，當然松露醬依然係絕配。
北海道天婦羅炸蝦熱狗
其實真係好細心，啲野食無論係擺盤定造型都好有心思。我哋完全估唔到頭盤份量都咁多，炸蝦熱狗面層鋪滿蟹籽同魚子，有fusion菜感覺，味道同口感都更豐富有層次。
好開心係配蕃薯條㗎！甜得嚟外脆內軟，係完全停唔到口。
三色迷你漢堡
然後就係主菜啦～等覺得依款係滿足三個願望！因為細細個容易食，但又試到唔同款式。三色係包括有：安格斯牛肉、炸軟殼蟹、紐西蘭羊肉。
羊肉咬落juicy，但羶味一啲都唔重，反而係淡淡羊肉香。相反牛肉口感差少少，有啲韌唔夠鮮嫩。最後軟殼蟹幾乎係原隻夾係中間，夠香脆但唔會太油膩，整得剛剛好！
美式芝士豬肉餡餅
一定要食依款！完全正中紅心！
外皮唔係酥脆容易變腍果款，而係夠煙韌軟身。中間係滿滿嘅餡料
有芝士，豬肉，青辣椒等等，係超惹味每啖都覺得好好食～濃郁嘅肉味同芝士融合，真係無得輸～
另外都有食到：法式燒春雞＆蘇格蘭三文魚
春雞嘅size細，加上骨架較軟，所以肉質會更加細嫩。外皮焗至脆身而且金黃色，淨係賣相都收貨啦。味道果然都無失望~（雖然有朋友食過話之前再好味啲，但今次我都覺得好喔）
煎三文魚依啲就更加OK啦，原材料都好食唔會差，只係睇佢烹調嘅時間同手勢係點，令佢更好食～成程都食到停唔到口。
最後仲有甜品啊，雖然超飽但一見到拿破崙又有第二個胃lu，由多層酥皮夾著吉士醬組合而成，依到未夠鬆化但係有食埋真係一個完美句號。
成餐飯都食得好滿意好開心，環境＋食物質素＋價錢，三樣綜合嘅性價比極高。份量真係好多，都係set餐但出面果啲就......比較細份／感覺唔同？
同埋依到打卡一流，佈置同飾物都有心思，帶出到成個氣氛。
個個食完都話估唔到咁好，超出預期好多！
Post
