樓下冰室 (Closed)

好耐冇黎食樓下冰室，今次一個人再去食午餐，打開餐牌睇到咖喱牛腩飯（好味到汁都會撈埋）同蕃茄通....通通好想食！但一個人點食到咁多，一於食瑞士雞翼餐（因為路德圍先有）加錢飲杯新鮮菠蘿冰😋雖然疫情好似冇咁嚴重，但跟餐嘅沙津都用盒個別裝住先送上，食起黎到安心D👍🏻大大隻雞全翼色香味俱全，未食都聞到好香豉油汁嘅豆香味，老實講幾十蚊一客雞翼餐，一定唔會用新鮮雞翼整，為咗成本多數用雪藏雞翼架啦，但係佢哋處理得好好，一啲雪藏味都冇👍🏻 x 20, 雞皮浸倒有爽滑口感，我平時唔食雞翼尖但今次都要破戒，全隻K.O咗😝骨都（倫）埋新鮮菠蘿冰，成杯滿滿嘅新鮮菠蘿， 店主絕不吝嗇等食客大啖大啖菠蘿食住飲，好爽快