露面手工拌麵料理

平時好少行過灣仔，今日過開個頭做野，見到依間手功麵店高朋滿座，人氣甘高應該幾好食既，一於試下佢！！😳兩個人就叫左兩個set，京醬豚肉炸醬Biang Biang麵好正😎！Biang Biang 麵質好滑好彈牙，配埋炸醬食好夾而且好掛汁！依款炸醬似台灣滷肉風味，配有冬菇粒同埋醬汁比我撈麵食，而d 肉好入味之餘又唔太肥唔太膩，佢好既地方係有大量青瓜絲解膩，依個配搭有落足心意，值得一讚👍👍麻辣雲耳，略嫌蒜味唔夠出，辣味係小辣所以都可以食到😂 而松茸鮮雞湯好鮮！湯入面有大大件雞件同埋松茸，睇得出既真材實料👍😉再叫左個佢既招牌-嫩雞白布湯闊麵！湯底係奶白而味道鮮甜，飲得出係有奶香味既雞湯，個湯直接飲都ok！好好飲！另一個特色就係佢個麵，真係似塊布甘大甘滑😱咬落去滑得黎又竟然keep 到有少少彈牙，好勁！成碗麵份量超足😨！雞肉巨量而且仲係軟嫩入味，佢仲配有超多的蔬菜，吃落口感非常豐富又健康，推薦！！高湯小雲吞正常發揮，小雲吞好juicy，肉餡已經係夠曬味既豬肉加雲耳，份量好大一碗有成10粒😱 好正！