鮨政 (Closed)

我哋已經食過好多次鮨政，今日又再次光臨。我哋預約咗食晚餐，我哋大約6:30到餐廳門口，今日餐廳好少客人，可能天氣太凍關係。首先，我哋每次都會叫一個豪華海鮮飯，材料非常豐富，必定推薦之一。之後我哋叫咗一個壽司拼盤，包括帶子壽司、吞拿魚壽司、三文魚壽司、油甘魚壽司、甜蝦壽司，仲有六件卷物。全部魚生都非常有質素，價錢好合理。軟殼蟹卷，味道酥脆，香口，好味嘅。蟹肉茶碗蒸，我好鍾意呢個茶碗蒸，有好多蟹肉非常濃味，好好味。仲有生蠔刺身，非常新鮮鮮甜美味，而且每一隻都好肥美最後我哋叫咗個安格斯牛扒，我覺得牛扒就比較一般。總括嚟講鮨政食壽司真係好正，尤其是魚生好新鮮美味，非常高質素，每次都保持水準。期待下次再嚟