上勝日本料理 (億利工業中心) (Closed)

陪表姐去荔枝角交收，之後送佢去搭巴士，等候期間，望到一間上勝日本料理，餐廳擺設好有日本居酒居feel,門前放咗多個餐牌，主打日式料理，價錢公道。表姐話請我入去食完晚餐至走，齊齊入座去！親子四彩刺身丼，有油甘魚、三文魚、帶子、魚籽。刺身優質好新鮮，厚切有口感，油甘魚肉質鮮美清脆，三文魚肉質細嫩鮮美，帶子味道鮮味甘甜，魚籽味道為鹹中帶一絲甜，口感清脆。壽司飯是江戶前赤醋飯，飯粒充滿赤醋醬料香味，十分滋味！炸芝麻雞翼兩隻,即炸雞翼熱辣辣，外皮金黃酥脆，咬開內裡藏著雪白嫩滑的雞肉，香口非常。炸吉列廣島蠔五隻，炸物水準高,不油膩之餘,廣島蠔好鮮味彈牙！