Video
Read full review
2017-09-18
10575 views
屋企人話帶我去食好食嘅中菜，尤其是呢度有我最鍾意食嘅嘢。係我半信半疑嘅情況下，我哋就一家人嚟到北角呢間「聲哥廚房」。原來佢哋所講嘅就係呢個炸鮮奶拼蝦多士，炸鮮奶完全係皮薄餡靚，粉漿好薄，一咬入去鮮奶嘅香味四溢晒出嚟，鮮奶質地又夠晒滑蝦多士好惹味香口，多士好脆，蝦肉爽口呢個就係炒咕嚕肉，顏色好鮮艷，令人食落都覺得開胃啲，咕嚕肉炒得好夠鑊氣，味道酸甜，好開胃跟住就係炒桂花翅，而家呢個餸都好難係出面有得食到，炒得好香。魚翅煙韌有彈性，魚翅本身係冇味道嘅，係靠廚師嘅調味，同雞蛋芽菜一齊炒，味道夠晒香最後就係食鮑魚啊，佢同一般嘅唔同，旁邊會配埋一啲河粉。鮑魚整得好有彈性，入面仲有糖心嘅感覺，而且非常之入味值得一讚嘅係個鮑魚汁，味道鮮美濃郁，用嚟撈河粉，十分惹味整體來說，呢一餐真係食得好豐富，係呢間餐廳可以食到啲平時好難食到嘅菜式。另外，依度環境舒服。去餐廳食嘢食物嘅味道係最重要嘅，我覺得呢度係非常之值得我再嚟食
屋企人話帶我去食好食嘅中菜，尤其是呢度有我最鍾意食嘅嘢。係我半信半疑嘅情況下，我哋就一家人嚟到北角呢間「聲哥廚房」。
原來佢哋所講嘅就係呢個炸鮮奶拼蝦多士，炸鮮奶完全係皮薄餡靚，粉漿好薄，一咬入去鮮奶嘅香味四溢晒出嚟，鮮奶質地又夠晒滑蝦多士好惹味香口，多士好脆，蝦肉爽口
呢個就係炒咕嚕肉，顏色好鮮艷，令人食落都覺得開胃啲，咕嚕肉炒得好夠鑊氣，味道酸甜，好開胃
跟住就係炒桂花翅，而家呢個餸都好難係出面有得食到，炒得好香。魚翅煙韌有彈性，魚翅本身係冇味道嘅，係靠廚師嘅調味，同雞蛋芽菜一齊炒，味道夠晒香
最後就係食鮑魚啊，佢同一般嘅唔同，旁邊會配埋一啲河粉。鮑魚整得好有彈性，入面仲有糖心嘅感覺，而且非常之入味值得一讚嘅係個鮑魚汁，味道鮮美濃郁，用嚟撈河粉，十分惹味
整體來說，呢一餐真係食得好豐富，係呢間餐廳可以食到啲平時好難食到嘅菜式。另外，依度環境舒服。去餐廳食嘢食物嘅味道係最重要嘅，我覺得呢度係非常之值得我再嚟食
Post
