Video
Read full review
2024-10-23
2005 views
終於預約到呢間連續多年榮獲米芝蓮一星嘅法國菜，每道菜都非常精緻，味道亦好出色，水準之高，難怪一直都咁高評價。今日品嚐ÉPURE dinner set。餐前麵包當中黑椒芝士牛角酥非常出色。用上cottagecheese、帶有微微黑椒香，再搽上特製海帶鹽味牛油，又香又酥脆，真係想不停encore。芝士松露貝涅餅 - 造型的骰，外脆內軟貝涅餅咬落同時有芝士同松露香，加上流心口感，有驚喜。縞海老配香菇風乾豬頰肉 - 清爽鮮彈縞海老配上風乾豬頰肉，再加上炸香菇絲，以上以脆撻盛載，口感極豐富。海膽配雅枝竹 - 清新黑醋啫喱包裹甘甜北海道海膽，中間加入紫蘇葉，再以雅枝竹作底部脆撻。池魚配魚子醬 - 新鮮池魚刺身配上清爽秋月梨脆片，面頭有鮮味魚子醬。再加入以青蘋果同刁草製成嘅醬汁，感覺非常清新。緬因帶子配魚子 - 用上緬因珍寶，帶子肥美厚肉，肉質軟嫩。表層煎至金黃，加入三文魚籽同魚子醬，最後加入忌廉醬汁。最後連同醬汁一同全部食哂。蘇格蘭海螯蝦 - 混和墨魚汁自家製意大利雲吞皮，一掀開就係蘇格蘭海螯蝦，好有心思。加上黃酒泡泡醬汁後一齊食，又香又滑。乳鴿配紅菜頭馬告山胡椒 - 乳鴿建議以大約五成熟會呈現
今日品嚐ÉPURE dinner set。
餐前麵包當中黑椒芝士牛角酥非常出色。用上cottagecheese、帶有微微黑椒香，再搽上特製海帶鹽味牛油，又香又酥脆，真係想不停encore。
芝士松露貝涅餅 - 造型的骰，外脆內軟貝涅餅咬落同時有芝士同松露香，加上流心口感，有驚喜。
縞海老配香菇風乾豬頰肉 - 清爽鮮彈縞海老配上風乾豬頰肉，再加上炸香菇絲，以上以脆撻盛載，口感極豐富。
海膽配雅枝竹 - 清新黑醋啫喱包裹甘甜北海道海膽，中間加入紫蘇葉，再以雅枝竹作底部脆撻。
池魚配魚子醬 - 新鮮池魚刺身配上清爽秋月梨脆片，面頭有鮮味魚子醬。再加入以青蘋果同刁草製成嘅醬汁，感覺非常清新。
緬因帶子配魚子 - 用上緬因珍寶，帶子肥美厚肉，肉質軟嫩。表層煎至金黃，加入三文魚籽同魚子醬，最後加入忌廉醬汁。最後連同醬汁一同全部食哂。
蘇格蘭海螯蝦 - 混和墨魚汁自家製意大利雲吞皮，一掀開就係蘇格蘭海螯蝦，好有心思。加上黃酒泡泡醬汁後一齊食，又香又滑。
乳鴿配紅菜頭馬告山胡椒 - 乳鴿建議以大約五成熟會呈現。煮油封乳鴿腿肉質軟嫩、香烤乳鴿胸酥脆外層鎖住肉汁。配上蘸上馬告山胡椒紅菜頭醬汁。最後再飲番啖乳鴿湯，甘香暖胃。
食完主食，先來一杯冰涼青檸青瓜雪葩，清新一下味蕾。然後再品嚐Tiramisu 及特製法式美點。Tiramisu尤其有驚喜，以蛋白脆餅製成外層，裡面融合雪糕、蛋糕、豆蔻啫喱、爆炸糖等，非常特別。
Post
