顏府御膳 (Closed)

對精緻中菜一向非常支持，而專程來到Cubus我想和很多食家一樣都係因為最近那個半價推廣活動促成。必須提一提，以及各位好多時忽視嘅係：呢家顏府御膳星期六、日係無午市套餐Set，有興趣一嚐午市套餐嘅朋友要選平日來了😄。入正題，一進入顏府御膳，格局明顯係走中高檔路線嘅。裝修、布置、餐具都別出心裁。但硬傷一如其他食家所言，服務上明顯要改善一下，呢點之後再提。一場黎到，當然要一嚐招牌名菜。但礙於限聚人數，所以決定集中試點心、飯麵同埋甜品。餐前小食：應該係豆角炒蝦乾，配上特製醬汁。味道幾好，但賣相認真麻麻，無咗其他食家所講嘅琥珀合桃，感覺有啲將貨就價，開局感覺麻麻。本身以為點心會先上，但先黎嘅係鐵板鮮沙薑陳皮生煎雞。未上到菜離遠都聞到好香，配上淡淡陳皮味，登時改觀。雞油嘅香味喺鐵板上嘶嘶作響，雞件全部都已經去骨，火喉恰到好處，非常嫩滑，令人食指大動。唯一一件未去骨嘅雞件只係比較難處理嘅關節位，可見餐廳對菜餚非常用心。緊接而來嘅係蟶子皇櫻花蝦蒜香糯米飯。份量上顏府御膳緊貼高級中菜館嘅標準，大多以嚐味為主，糯米飯份量唔多，但非常入味。明顯廚師係精心研究配搭過呢道招牌菜，即使無傳統嘅荷葉香但櫻花蝦出奇地