慢煮工業 (Closed)

位於太子嘅慢煮工業，黎呢間食過幾次，佢啲慢煮系列都係做得好出色。好在事前訂左位，店內幾乎full house，證明呢間店嘅受歡迎程度。今次我地都唔例外，都叫樣慢煮菜式，極黑安格斯牛魔王肉眼扒！個人極力推薦比鍾意食牛嘅朋友，而家佢用手機點餐，可以揀熟成程度（正常或者全熟），我就揀左正常，出到黎係我估五成左右，但係超有驚喜，切出黎係粉嫩架，粉紅色呢啲野真係可遇不可求，超值得叫呢個，肉量又足夠，而且價錢唔貴。當然，我地仲叫左其他小食，例如芝士溫泉蛋大啡菇，溫泉蛋處理得剛剛好，就算成個切，啲蛋汁都唔會走哂，仲會痴住個大啡菇，成件事好完整，不錯。牛油燒虎蝦，咸蛋黃天婦羅蝦都係蝦嘅系列，兩者都能夠將蝦嘅鮮味同彈性發揮到淋漓盡致，值得一讚。軟心拉芝士條要趁熱食，咁樣先有拉絲效果，否則凍左個效果唔夠勁。飲品方面，荔枝接骨木花特飲，青檸薄荷特飲都係清涼，解膩嘅系列，都飲得過，尤其係配肉類同油炸食物。呢間整體上都沒得輸架啦，店鋪有格調，食物處理方面好出色，又夠chill。