Tom N Toms Coffee (Closed)

之前喺首爾食過一次Tom N Toms，個toast超好味，亦知佢喺屯門開咗分店，礙於店面太細，長期滿座，所以每次想去都會放棄。睇戲前有個半小時空檔，唯有再去碰運氣，慶幸有對老夫婦準備走，讓咗位俾我同朋友。朋友叫咗杯凍鮮奶綠茶，我叫薄荷朱古力㗎啡湯姆冰樂，再share忌廉焦糖吐司。埋單發現店員自動將奶綠同吐司轉套餐，所以奶綠只係$20！吐司水準同韓國店一樣，厚得嚟又夠鬆軟，焦糖唔多，唔會太漏可惜杯薄荷朱古力咖啡冰沙出事，薄荷似係溝cocktail 果隻薄荷酒，朱古力咖啡亦不是mocha，成杯嘢溝埋個果好怪，又苦又咸！下次都係叫返d大路咖啡嘆個吐司好了！