Video
Read full review
2023-06-22
247 views
💁♀️💁♂️ 16/6/2023(Fri), Dinner🍽今晚💁♀️為食妙妙同💁♂️A先生帶住兩個小朋友👧🏻👦🏻，喺尖沙咀食完晚飯之後，兩個小朋友又話想食埋甜品先返屋企。喺附近見到呢間糖宫甜品專門店🍦🍧🍨，外圍嘅裝飾簡潔，內𥚃就走工業風路線，牆身都係用返水泥嘅原色為主。加上佢哋嘅甜品取名又幾特別，食晒字咁，例如有菠多野結冰🤤、榴酷瓏等等⋯⋯一於就入去食埋個美滿嘅甜品先返屋企啦😋😋😋！而今晚我地order咗：🔆 菠多野結冰（透明人間篇）（$70）令人（應該主要都係男士）遐想🤤嘅一個甜品，主要有原隻地門菠蘿🍍，切開入面嘅菠蘿🍍肉之後用來裝菠蘿🍍味嘅雪花冰，再視乎你點嘅係咩篇就配唔同嘅甜品，“暗黑亂入篇”就配黑涼粉；“一路向西篇”就配西米露；至於A先生選嘅“透明人間篇”就配水晶涼粉。雪花冰軟綿冰涼，入口即溶，有濃濃既菠蘿🍍味道，清爽好味，好岩咁熱既天氣食。底下面有啲菠蘿粒，係裝住雪花冰嘅菠蘿🍍開出嚟嘅新鮮果肉，因為唔係浸過糖水嘅罐頭貨，所以食落甜中帶點點微酸，係菠蘿🍍嘅天然味道。至於透明人間嘅主題-水晶涼粉伴住椰汁🥥同埋新鮮菠蘿🍍一齊食，水晶涼粉隱約食到少少椰皇水嘅味道，質感滑捋捋咁輕輕一
💁♀️💁♂️ 16/6/2023(Fri), Dinner🍽
今晚💁♀️為食妙妙同💁♂️A先生帶住兩個小朋友👧🏻👦🏻，喺尖沙咀食完晚飯之後，兩個小朋友又話想食埋甜品先返屋企。喺附近見到呢間糖宫甜品專門店🍦🍧🍨，外圍嘅裝飾簡潔，內𥚃就走工業風路線，牆身都係用返水泥嘅原色為主。加上佢哋嘅甜品取名又幾特別，食晒字咁，例如有菠多野結冰🤤、榴酷瓏等等⋯⋯一於就入去食埋個美滿嘅甜品先返屋企啦😋😋😋！
而今晚我地order咗：
菠多野結冰（透明人間篇）
$70
4 views
0 likes
0 comments
菠多野結冰（透明人間篇）
$70
9 views
0 likes
0 comments
🔆 菠多野結冰（透明人間篇）（$70）
令人（應該主要都係男士）遐想🤤嘅一個甜品，主要有原隻地門菠蘿🍍，切開入面嘅菠蘿🍍肉之後用來裝菠蘿🍍味嘅雪花冰，再視乎你點嘅係咩篇就配唔同嘅甜品，“暗黑亂入篇”就配黑涼粉；“一路向西篇”就配西米露；至於A先生選嘅“透明人間篇”就配水晶涼粉。
雪花冰軟綿冰涼，入口即溶，有濃濃既菠蘿🍍味道，清爽好味，好岩咁熱既天氣食。底下面有啲菠蘿粒，係裝住雪花冰嘅菠蘿🍍開出嚟嘅新鮮果肉，因為唔係浸過糖水嘅罐頭貨，所以食落甜中帶點點微酸，係菠蘿🍍嘅天然味道。至於透明人間嘅主題-水晶涼粉伴住椰汁🥥同埋新鮮菠蘿🍍一齊食，水晶涼粉隱約食到少少椰皇水嘅味道，質感滑捋捋咁輕輕一吸就滑入喉嚨，就似透明人間咁，只覺冰涼透心，而不留蹤跡。
玉桂香蕉窩夫伴雪糕
$48
13 views
0 likes
0 comments
🔆 玉桂香蕉🍌窩夫🧇伴雪糕🍦（$48）
玉桂同香蕉🍌本身都好匹配，窩夫🧇外脆內軟糯，食落麵粉香同蛋香都唔錯。至於雪糕有唔少口味可以選擇，我哋就簡簡單單咁揀咗雲尼拿味，味道唔會搶過窩夫🧇同玉桂香蕉🍌嘅味，配合熱焫焫嘅窩夫🧇，一冷一熱口感夠爽。
即製榴槤酥皮拿破崙加榴槤雪糕
$74
3 views
0 likes
0 comments
即製榴槤酥皮拿破崙加榴槤雪糕
$74
1 views
0 likes
0 comments
🔆 即製榴槤酥皮拿破崙（$64）加榴槤雪糕（+$10）
兩件即焗而又好鬆化嘅酥皮拿破崙上面放咗吉士，再有份量絕不吝嗇嘅榴槤蓉，上枱時榴槤味撲鼻，每啖都有滿滿嘅榴槤蓉，味道香甜又帶點榴槤質感，即使再飽都要叫嘅一個甜點。作為榴槤控嘅我哋再加咗一球榴槤雪糕，雪糕入口幼滑，榴槤味濃郁，仍有絲絲嘅榴槤肉嘅質感，即使單叫呢個雪糕都好好食😋。
椰皇燉蛋白加芋圓
$70
3 views
0 likes
0 comments
椰皇燉蛋白加芋圓
$70
5 views
0 likes
0 comments
🔆 椰皇🥥燉蛋白（$60）加芋圓（+$10）
熱食嘅椰皇🥥燉蛋白入口清甜夠滑，燉蛋白帶有椰皇嘅味道，食落唔會太甜，食食吓仲可以食埋本身椰皇嘅果肉。芋圓入口煙煙韌韌，都有蕃薯🍠、芋頭嘅味道，唔會只係食到粉嘅味道。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9.5/🔟
❤🙆♀️(為食妙妙)整體食評：9/🔟
👉🏻 餐廳有兩層，地方都好大，樓梯旁邊都有霓虹燈裝飾，幾特別
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車今晚A先生好彩地泊到漆咸圍嘅錶位🅿️，如果唔係可能要泊去尖東嘅停車場🅿️
👉🏻 尖沙咀站或者尖東站行過嚟都係10分鐘左右，尚算方便
🔆🔆🔆🔆🔆🔆🔆🔆🔆🔆🔆🔆🔆
Post
