漢堡佬 (Moved) New Location

小店美食林立，要喺呢度突圍而出，都唔係一件易事，今次食呢間小店專做漢堡包，而且做出更是高水準的漢堡包，搞到每次過黎都心郁郁會去食呢間漢堡！平時一直食開牛肉同雞漢堡，今次見到出咗新款漢堡，梗係試吓佢先。晚餐就決定點黃金軟殼蟹漢堡再加個小食麥樂雞。軟殼蟹漢堡好有驚喜，軟殼蟹成隻大閘蟹咁大隻，咬落好鬆脆，蟹味濃郁，軟殼蟹有好多蟹黃！加埋麵包，生菜同蕃茄同醬汁，味道好豐富有層次，太好食啦！就連小食麥樂雞都炸得金黃酥脆，內在鮮嫩多汁！點埋蕃茄醬無得輸！