Iberico & Co. (Closed)

呢排好想在香港搵西班牙餐廳食下好西，今次嚟既係位於蘇豪區既Iberico。係呢到，一班中學同學吹下水食下野都幾唔錯，入面係幾高級既佈置，但傾計又唔會太過拘謹，幾舒服。在七點前係happy hour時段，叫野飲同小食都好抵食，一杯cocktail or Sangria都只係三十幾蚊，我就叫左杯Sangria Blanco，望落好似杯水咁，實質好香好夠味。Caramelized Goat Cheese Sala係幾值得推介，其實係冇蕉糖在芝士上面，而係將羊奶芝士煎香，再撈沙律食，好香好正！Salmon Tatar用好多種香料撈埋一齊食，店員特登在我地面前撈，比我地打打卡。最後推既小食係Fried Calamari，亦都係當中最受歡迎既小食，又脆又新鮮！強烈推薦！Grilled Sea bass，雖然睇落只係普通煎香，不過皮脆內滑，係一道幾開胃既主菜。嚟西班牙餐廳冇理由唔食Seafood Paella既，其實我一直都覺得每一間西班牙餐廳佢地既炒飯都差不多，不過尼間算係比較突出既，料多個汁又唔會好膩。最後到最重要既USDA Prime OP Rib，真係好大同好好食，五成熟岩岩好，嚟尼間餐廳一