惠 (Closed)

一直都好想試下Omakase，但係價錢普遍都比較貴，而且質素都好參差😧。而咁啱近排撞正我生日，我嘅富婆frd就話帶我來試下佢平時食開嘅Omakase嘅餐廳🙈，去嗰陣好似嗰間餐廳嘅sales咁樣係咁讚話好好食🤣正因為如此，我對呢間餐廳嘅期望都頗高🧐今次我哋嗌佐【深海池魚】，表面嗰一小戳係木魚花，銀色部份係油脂位，用炭火輕輕烤過，深海池魚口感軟糯，由於用炭火烤過嘅原因，油脂味好出色，味道都幾鮮甜，木魚花亦都有濃郁嘅木魚味，食落去都幾鹹香。另外叫佐【竹籤魚】，魚嘅表層用炭火烤過，碟頭都有少少薑蓉，可搭配埋魚一齊食，從而淡化魚腥味；而粉紅色嗰舊野個名都幾特別，叫做【平政】，肉質爽口，油脂香就比之前嗰兩款較為淡，另外嗰款白色嘅叫【白蝦】，白蝦肉質鮮甜，口感偏軟糯。