Video
Read full review
2020-06-17
1412 views
三顧發記都要排隊，第四次終於食到喇！貪吃的我樣樣都想試，鮮蠔肉碎粥、豬雜粥、雞雜粥、鮮腩粥、客家炆豬肉、炆豬腳、客家釀苦瓜、咸雞飯、雞蛋叉燒腸粉、魚片腸粉、炒麵炒河炒銀針粉、等等等等，多不勝數！先由招牌豬膶煲仔雞粥開始。過節要放自己假，三八鬆一鬆，訓到六點鐘。睇完跌打突然凍得利害，著得太單薄有點頂唔緊！路過發現食客小貓三四隻大量座位，即刻衝入去坐低啦！食食下越來越多食家駕到，轉眼爆滿！食神眷顧真好采。寒風凜凜凍到嘔要坐近門口，入夜氣溫驟降，急急食碗熱粥黎杯熱奶茶暖暖身，由翠屏花園行黎發記堅係震晒呀！坐底不久野食都未到，食客就開始離開，大量座位空出激死我！張檯真係太窄，同對家距離太近太親密，坐得非常唔自在唔舒服，自己要坐斜一點拉開一點。新上任的短髪妹妹十分有衝勁有活力滿場飛，敬業樂業無冷場，值得一讚。另一位新來的長髮妹妹，工作認真招呼周到十分落力，感覺溫暖舒服。請到這樣的職員真幸福，跟短髮妹妹不同風格，但兩位都依舊敬業樂業。豬膶靚雞粥，滾熱辣剛剛燙嘴，溫度拿捏高超！香甜濃郁綿滑粥底，果真有料到！已經好味到不需要添胡椒粉或豉油咯。雞件細心均分有髀有胸有翼，唔會淨係得背脊與雞翼那麼孤寒刻薄大
路過發現食客小貓三四隻大量座位，即刻衝入去坐低啦！食食下越來越多食家駕到，轉眼爆滿！食神眷顧真好采。寒風凜凜凍到嘔要坐近門口，入夜氣溫驟降，急急食碗熱粥黎杯熱奶茶暖暖身，由翠屏花園行黎發記堅係震晒呀！坐底不久野食都未到，食客就開始離開，大量座位空出激死我！張檯真係太窄，同對家距離太近太親密，坐得非常唔自在唔舒服，自己要坐斜一點拉開一點。
新上任的短髪妹妹十分有衝勁有活力滿場飛，敬業樂業無冷場，值得一讚。另一位新來的長髮妹妹，工作認真招呼周到十分落力，感覺溫暖舒服。請到這樣的職員真幸福，跟短髮妹妹不同風格，但兩位都依舊敬業樂業。
豬膶靚雞粥，滾熱辣剛剛燙嘴，溫度拿捏高超！香甜濃郁綿滑粥底，果真有料到！已經好味到不需要添胡椒粉或豉油咯。雞件細心均分有髀有胸有翼，唔會淨係得背脊與雞翼那麼孤寒刻薄大細超！可以品嚐到各個部位。胸肉綿腍不鞋水潤帶肉汁，髀肉結實有嚼勁，翼肉肥美嫩滑。豬膶爽彈甜美醃味可口，高質無投訴！滿分煲仔豬膶雞粥 $47 蚊大大兜。
炒麵走芽菜，有椰菜既？真客氣，但我要淨麵，椰菜都不吃的。即炒有誠意，熱辣辣鑊氣微微冒煙，乾爽彈牙亦嚥韌！豉油味清香濃濃，不用辣醬甜醬已極好味道。
咸瘦肉蠔仔粥，大量蠔仔使我震驚！毫不手軟大方不孤寒。肥嘟嘟脹卜卜的蠔仔，絕不是奀豬的後裔，鮮蠔味非凡突出。就連粥底都充滿蠔香，綿綿厚厚的甜美粥底，濃郁散發強勁雞甜味，再加上咸瘦肉的咸香及肉汁，如虎添翼！我只能失控地將美味熱粥不停輸送，直至消失殆盡，不遺留半滴粥水在煲仔中，好好味呢！
酸菜炆豬肉，見餐牌寫住加 $5 蚊雙併，還以為咸雞、豬手、豬肉可以任併，原來只限於豬手豬肉囉！等足 20 分鐘先有得食，還要坐係大門口收銀機旁，坐得非常不舒服。酸菜不酸的，爽爽的有點咸香，搭上豬肉白飯都好夾！豬肉份量也不少，全部食晒飽飽好滿足。五層肥豬肉看似肥膩油淋淋，但一入口刮目相看！乳香濃郁甜美，使人唾延欲滴，膠彈豬皮，爽彈肥膏，鬆化瘦肉。肉汁四射，南乳肉汁撈上白飯炆豬肉，停不了口啊，滿意滿意！
乾炒牛河全走，依家仲有 $28 蚊碟乾炒牛河？離晒譜太過份，難怪師傅炒無停，手都甩啦！鑊氣迫人每口都熱辣辣，走過油的嫩牛充滿焦香，醃味奇濃重口味還可吞下。生抽老抽染得所有河粉均勻富光澤，豉油味出眾濃而不濁不過咸，彈彈滑滑不散的河粉，美味可口達標。
及弟魚腩粥，嬸嬸我要走蔥架喎，好采不太多，還能夠挑走。剛食完極濃味乾牛河使到粥底微得淡茂茂，味覺變得麻木，幸好食食下回復正常。綿滑厚厚甜美的粥底，讚口不絕！魚腩啖啖肉有魚汁爽爽的，依然有淡淡魚甜味。肉片乸得腍啤啤，粉腸高質彈滑，豬膶爽嫩。及弟只有肉片粉腸豬膶？
靚靚客家咸雞飯，不想獨自快樂，但就算得一個人都要食飯。竟然送上暖笠笠的雞肉，內外皆熱唔係冷冰冰，太感動喇 ﹗夾起髀肉細看，全熟沒有半絲血斑，不會有任何血腥的味道，只怕會太熟使其老韌乾。沾上蔥油放在舌尖，一咬一啜骨肉分離！嫩滑噴出肉汁，彈力十足，肥美滑嘟嘟！薄薄雞皮微黏帶滑不肥膩無肥膏。咸香突出而鮮甜，鮮度極高沒半點隔夜或雪過的味道。
大大啖雞肉吞下，暖意由胃部散發再運行全身，好舒服啊！髀肉已灰飛煙滅，只剩下胸肉，二話不說繼續搶攻！有咬口未算乾，鹹香依舊吸引，淋上雞汁蔥油躺在白飯上，嘆得過癮！蔥油勁大篤，平時都只係小小心意一碟仔，眼前太誇張喇麻！好奇下撈啖飯試試，大粒蔥食唔到要挑走，細細粒可以。入口夠熟夠鹹亦夠香，沒有青蔥腥嗅味，鹽落得剛好不嗆喉。淋上雞汁加埋啖飯，滿足滿足食得過。
淨豬紅，估您唔到連豬紅都落蔥，我唔食生蔥架，挑走當睇唔到。只有半隻雞那有可能滿足到我獸性呢，梗係要加餸啦 ﹗淺嚐兩啖清湯，淡淡住家的味道，整粒豬紅一咬爆開！少少滑、少少韌、少少咸，送飯也不錯，加雞肉加蔥油送飯更加美味！
雞蛋叉燒腸粉，對此道菜一直非常好奇，從來未遇過未食過，而且餐牌張相係流心有蛋汁閃令令極度吸引！終於有機會一試，但大失所望！跟張相南轅北轍，實物散晒全熟蛋來的，完全唔係我想要既出品 ﹗棉胎般厚鞋烚烚的粉皮，肥騰騰碎濕濕的叉燒，廿十成熟的老蛋，難食！
豬雜炒麵全走，點解要鋪塊豬肉刺身係炒麵度呢？裝飾點綴？好采我對眼還好，睇唔到咪食埋落肚。發記炒麵同豬雜堅係頂級無甩拖！生老抽黃金比例色澤鮮明均勻，豉油清香味甜，質地乾爽嚥韌彈彈的，搭埋豬膶粉腸肉片齊齊食，停不了地掃到舌尖，轉眼消滅殆盡，太美味喇﹗
皮蛋靚雞粥，瘦姐做到黑面，語氣麻麻，理解的。肥姐就較為平常心，慢做無問題。我早諗好想食雞髀皮蛋瘦肉粥，原來無得指定雞髀，稱已經每份執好晒。無得皮蛋瘦肉粥加雞，只可以雞粥加皮蛋無瘦肉，再度失望！好采都有兩三舊雞髀肉，見到開心晒！滑滑咸雞滿意，大大粒飯開晒花，口感獨特。
雞雜皮蛋瘦肉粥，見有雞雜食滿心歡喜，誰知不是新鮮雞雜，我諗多左喇！傷心地食晒去。食食下有兩幅雞雜，雞膶隔夜味霸道、雞腎雪藏味強烈，好采雞心正常爽彈香甜。由細到大都最愛雞心，屋企烚新鮮雞一家搶住食！咸瘦肉絲應該叫瘦肉條，切得太粗，勁乾勁硬給多點牙力吧！皮蛋皮彈力強勁，蛋黃超甘甜黏黏漿漿，厚厚特濃雞味粥底，飯粒開晒花。
乾炒肉片銀針粉全走，天生油淋淋的銀針粉炒得乾爽不油膩，外滑內實淨充滿米香！鑊氣奉，溫度高，氣味香，味道濃，炒功深厚，豉油清香，肉片鬆化焦香，清淡醃味可口。粥加炒粉竟然食唔晒，我細食左？可能炒粉凍左唔好食，可能食完碗濃味粥再食炒粉無味唔想食。
牛肉炒米粉全走，只售 $28 蚊即炒粉麵邊度搵，師傅炒到手仔軟，排長龍要耐心等候！鑊氣迫人，香氣澎湃，絕世好粉，就算清炒味道依然濃郁美味！爽彈的米粉，沾有牛肉汁半濕地品嚐，就連唔喜歡米粉的我都讚嘆不已，真心色香味俱全高質無敵！牛肉散發焦香，滑滑嬌嫩，米粉跟牛肉二合為一更是如虎添翼，不要辣椒醬不要辣椒油，美味絕倫。
魚片碎牛粥走蔥，煲仔粥滾住出場，聞得到的魚鮮，索得到的肉香。極彈的碎牛，牛味強烈。鮮味非凡的鯇魚片，甜而不腥，各食材混在特上濃濃綿綿粥底齊吃，不得了的演繹，食完先講﹗米粉掛粥好，炒麵掛粥都好，味道一定夾到痺，永無投訴！牛肉、魚片、碎牛、米粉、粥底融合，那有不好吃的理由！
花生炆豬手，腳毛剃得唔夠乾淨，得層皮又無汁點送飯呢？好采淨食啫。爽皮豬手乾乾的沒有肉，皮包骨少少膠少少黏，南乳味清爽不強不嗆。不愛花生的我但見到烚花生就忍不住咯，濕潤微爽脆吸汁。
滑牛蠔仔粥，短髪妹妹忘記走蔥喎，即刻溫柔地取回幫我挑走，非常周到感覺溫暖。粥底綿稠厚厚滑溜溜，美醇濃郁有著牛肉蠔仔的鮮味。滑牛嫩嫩醃味剛烈蠻喜歡，蠔仔超濃鮮蠔味道，爆汁肥美，一啖入口有齊牛蠔粥更是美妙！
豬膶碎牛粥，有幾粒蔥花藏係粥底，好有可疑。硬係食到有少少燶底味道，但查看煲底無燶跡象，曾經換煲？燶味不會來自碎牛醃味吧。粥底超綿幼滑，特濃醇厚黏黏，不用豉油不用胡椒粉。豬膶甘而有少許苦，微韌不爽彈，啤水不夠的原因吧！
鮮蝦雞絲腸，捲得大大碌，就算一開二要一啖啪入口，連我都有點壓力。雖不是白裡透紅，皮薄半透嫩滑型，竟有意想不到的驚喜！厚身腸皮黏黏綿綿充滿米香，不硬不實不油不膩，加上豉油調得精采絕倫，清香甜味不咸不濁，助攻得分夠醒胃。雞絲夠鮮滑彈沒有隔夜異味，蝦球巨形爽爽略咸一點點。
豬膶靚雞粥
46 views
0 likes
0 comments
豬膶靚雞粥
27 views
0 likes
0 comments
炒麵走芽菜
24 views
0 likes
0 comments
咸瘦肉蠔仔粥
24 views
0 likes
0 comments
酸菜炆豬肉
26 views
0 likes
0 comments
酸菜炆豬肉
24 views
0 likes
0 comments
乾炒牛河全走
30 views
0 likes
0 comments
及弟魚腩粥
14 views
0 likes
0 comments
及弟魚腩粥
17 views
0 likes
0 comments
靚靚客家咸雞飯
26 views
0 likes
0 comments
靚靚客家咸雞飯
21 views
0 likes
0 comments
淨豬紅
13 views
0 likes
0 comments
雞蛋叉燒腸粉
21 views
0 likes
0 comments
雞蛋叉燒腸粉
25 views
0 likes
0 comments
豬雜炒麵全走
44 views
1 likes
0 comments
豬雜炒麵全走
52 views
0 likes
0 comments
皮蛋靚雞粥
40 views
0 likes
0 comments
乾炒肉片銀針粉全走
34 views
0 likes
0 comments
乾炒肉片銀針粉全走
32 views
0 likes
0 comments
牛肉炒米粉全走
30 views
0 likes
0 comments
魚片碎牛粥走蔥
12 views
0 likes
0 comments
魚片碎牛粥走蔥
12 views
0 likes
0 comments
炒米粉撈魚片碎牛粥走蔥
27 views
0 likes
0 comments
炒米粉撈魚片碎牛粥走蔥
25 views
0 likes
0 comments
花生炆豬手
14 views
0 likes
0 comments
滑牛蠔仔粥
15 views
0 likes
0 comments
滑牛蠔仔粥
14 views
0 likes
0 comments
豬膶碎牛粥
12 views
0 likes
0 comments
鮮蝦雞絲腸
8 views
0 likes
0 comments
鮮蝦雞絲腸
12 views
0 likes
0 comments
Post
